Kavála Lokalt namn Καβάλα
Festninga i Kavála sett frå sjøen
Geografi
Stad	Makedonía
Koordinatar	40°56′N 24°24′E / 40.933°N 24.400°E / 40.933; 24.400
Areal	350,6 km²
Administrasjon
Land	Hellas
Periferi Periferieining	Aust-Makedonía og Thráki Kavála
Hovudsete	Kavála (51 947 innb.)
Demografi
Folketal	66 376 (2021[1])
Folketettleik	189,3 /km²

Kavála (gresk Καβάλα), òg kalla Kavalla, er ein by og kommune i periferieininga med same namn i periferien Aust-Makedonía og Thráki i Hellas. Byen er òg hovudstad i periferieininga og den største hamnebyen i Gresk Makedonia. Han ligg vakkert til ved Kaválabukta, ovanfor øya Thásos.

Han vart opphavleg grunnlag av kolonistar frå Páros på 500-talet fvt., som kalla han Neapolis («ny by»). Neapolis var ein by i Makedonia. Han var sannsynlegvis same by som Daton (Δάτον), kjend for gullgruvene sine (Herod. ix. 75).

Han vart ein romersk civitas i 168 fvt. og var base for Brutus og Cassius i 42 fvt. før dei tapte slaget ved Fílippi. Paulus gjekk i land ved Kavála på den første reisa hans til Europa. Under Austromarriket vart byen kalla Khristoupolis av grekarane og Morunets av lokale bulgarar.

Kavála var ein del av Det osmanske riket frå 1371 til 1912. Mehmet Ali vart fødd her i 1769.

Frå 2011 omfattar kommunen òg den tidlegare kommunen Fílippi. Dei to tidlegare kommunane er no kommunaleiningar.^[2]

Ved folketeljinga i 2021 hadde kommunen 66 376 innbyggjarar, medan kommunaleininga Kavála hadde 56 243 og tettstaden med same namn 51 947 innbyggjarar.^[1]

Dei største byane og tettstadene i kommunen er:

Wikimedia Commons har multimedia som gjeld: Kavála

• Offisiell nettstad (gresk)
• Vêrstasjonen i Kavála