Journey er det sjølvoppkalla debutalbumet til det amerikanske bandet med same namn. Det kom ut i 1975 på Columbia Records. I motsetnad til seinare innspelingar, er dette jazzaktig progressiv rock som fokuserer på den musikalske dugleiken deira.[3] Det er det einaste albumet med rytmegitaristen George Tickner i bandet.
Journey spelte inn eit demoalbum før dei gav ut Journey, med dei same songane i ei anna rekkjefølgje og med Prairie Prince som trommeslagar. Det var òg nokre ekstra spor, mellom andre nokre instrumentalar, som ikkje kom med på det endelege albumet, inkludert det originale tittelsporet på demoalbumet, «Charge of the Light Brigade».
