Jiamusi er eit byprefektur nordaust i provinsen Heilongjiang i Kina, med grenser mot Russland både i nord og i aust. Byprefekturet har eit areal på 31 528 km² og 2 552 097 innbyggjarar i 2010.
Byprefekturet Jiamusi omfattar fem distrikt (区 qū), to byfylke (市 shì) og fire fylke (县 xiàn).
Næring og samferdsle
Byen Jiamusi er ei viktig elvehamn for nedre del av elva Songhua.
Kinas riksveg 201 går gjennom prefekturet. Vegen tek til i Hegang og fører via mellom andre Mudanjiang og Dandong sør til Liaodong-halvøya til Lüshunkou/Dalian. Også Kinas riksveg 221 går gjennom området. Han tek til i Harbin og går til Tongjiang i Jiamusi, begge i Heilongjiang.