Halle Berry
Fødd	14. august 1966 (58 år)
Fødestad	Cleveland
Fødenamn	Maria Halle Berry
Aktive år	1989–
Verka som	fjernsynsskodespelar, filmskodespelar, modell, TV-produsent, venleikstevlingsdeltakar, stemmeskodespelar, filmprodusent, skodespelar, filmregissør
Mor	Judith Ann Hawkins
Far	Jerome Jesse Berry
Ektefelle	David Justice, Eric Benét, Olivier Martinez
Sambuar	Gabriel Aubry, Van Hunt
Born	Maceo Martinez
Prisar	Oscar for beste kvinnelege hovudrolle, National Board of Review Award for Best Actress, Screen Actors Guild Award for Outstanding Performance by a Female Actor in a Miniseries or Television Movie, NAACP Image Award for Entertainer of the Year, NAACP Image Award for Outstanding Actress in a Television Movie, Mini-Series or Dramatic Special, Primetime Emmy Award for Outstanding Lead Actress in a Miniseries or a Movie, NAACP Image Award for Outstanding Actress in a Television Movie, Mini-Series or Dramatic Special, BET Award for Best Actor & Actress, NAACP Image Award for Outstanding Actress in a Motion Picture, Screen Actors Guild Award for Outstanding Performance by a Female Actor in a Leading Role, NAACP Image Award for Outstanding Supporting Actress in a Motion Picture, BET Award for Best Actor & Actress, Golden Raspberry for verste skuespillerinne, BET Award for Best Actor & Actress, NAACP Image Award for Outstanding Actress in a Motion Picture, Golden Globe, Emmy-prisen, Sølvbjørnen for beste skuespillerinne, Screen Actors Guild Award, Crystal Award, Sølvbjørnen, stjerne på Hollywood Walk of Fame, Hasty Pudding Woman of the Year

Halle Maria Berry (fødd 14. august 1966) er ein amerikansk skodespelar og tidlegare fotomodell. Ho vann ein oscarpris for rolla som Leticia Musgrove i filmen Monster's Ball.

Berry var med i fleire venleikskonkurransar på 1980-talet. Ho vann Miss Teen All American i 1985 og Miss Ohio USA i 1986. Berry var den første afroamerikanske deltakaren i Miss World i 1986, der ho hamna på sjetteplass.

I 1992 spelte Berry ei karrierekvinne som fell for Eddie Murphy sin rollefigur i den romantiske komedien Boomerang. Året etter fekk ho stor merksemd med miniserien Alex Haley's Queen, basert på ei bok av Alex Haley. Berry spelte ein tidlegare brukar av crack-kokain som sleit med å gjenvinna foreldreretten til sonen sin i filmen Losing Isaiah frå 1995. Ho vann fleire prisar for rolletolkinga si, mellom dei ein Emmy og ein Golden Globe. Berry portretterte den muterte superhelten Storm i filmatiseringen av teikneserien X-Men (2000) og oppfølgjaranen X-Men 2 (2003) og X-Men: The Last Stand (2006).

I 2001 dukka Berry opp i filmen Swordfish, med sin første topplausscene. Først nekta ho å filmast topplaus, men ho ombestemte då seg Warner Bros heva løna hennes vesentleg. Ho skal ha fått betalt 500 000 dollar for det korte glimtet av brysta hennar. I 2001 dukka Berry opp som Leticia Musgrove, kona til ein avretta mordar, i filmen Monster's Ball. Ho vann Oscar for beste kvinnelege hovudrolle for rolletolkinga si, og vart òg løna med National Board of Review Award og Screen Actors Guild Award som beste kvinnelege skodespelar.

Berry gifta seg med tidlegare baseballspelaren David Justice 1. januar 1993. Paret separerte seg i 1996, og skilsmissa vart fullført i 1997. Berry gifta seg med Eric Benét 24. januar 2001. Medan ho var gift med Benet, adopterte dei dottera India. Dei skilde også lag, og skilsmissa vart fullført i januar 2005. Berry har hatt eit forhold med den franske skodespelaren Olivier Martinez sidan 2010. Dei gifta seg i 2013

• Halle Berry ved The Internet Movie Database (IMDb)