Golden Globe er ein pris som blir delt ut for film og fjernsynsprogram i USA. Utdelinga har funne stad årleg sidan skipinga i 1944, og blir arrangert av Hollywood Foreign Press Association (HFPA). Ho er ein viktig del av «prisutdelingsårstida» i den amerikanske filmindustrien, der høgdepunktet er oscarutdelinga.
Utdelinga av Golden Globe-prisane har sidan 1996 blitt send på NBC, og er vanlegvis den tredje mest sette fjernsynssende prisutdelinga kvart år, etter Oscarprisen og Grammyprisen.
Utvalet for Golden Globe-prisene byrjar 1. oktober. Prisgjevinga finn stad tidleg på året, og er basert på stemmer frå 86 journalistar busett i Hollywood og med tilknyting til media utanfor USA.
