Gimmeland er ein gard i Fana i Bergen kommune ved Bontveitvegen i den lange dalen nordaust for Kalandsvatnet.
Det er framleis gardsdrift på garden.
Namn
Namnet kjem truleg av Gymbuland, og kan ha samanheng med eit elvenamn, Gymba, eller gumba, som tyder gomme, ein raudkokt ost av ferskmjølk.
Historie
Garden høyrte i slutten av mellomalderen til domkapitlet i Bergen, og låg frå 1617 til bispestolen. Sidan 1873 har garden vore i bondesjølveige.
Under den første verdskrigen vart det utnytta jernertsførekomstar her.
Geografi
Garden ligg i dalen som strekkjer seg nordaustover frå Kalandsvatnet og oppover mot Bontveit, mellom Solbakkafjellet (458 moh) i aust og Stignevatnet og Hedneåsen i vest.
Garden grensar til Hedno i vest, Riple i nord, Frotveit og Fjelltveit i nordaust, Haugland i aust og sør, og Almeland i sørvest.
Kjelder
Bakgrunnsstoff
