Gagauzia ligg i den sørvestlege delen av Moldova og omfattar byane Comrat og Ceadîr-Lunga (gagausisk Çadır-Lunga), ein større enklave rundt byen Vulcănești og to mindre enklavar rundt landsbyane Copceac og Carbalia.
Administrativ inndeling
Gagauzia er delt inn i dei tre bykommunane Comrat (som er hovudsete i regionen), Ceadîr-Lunga og Vulcănești og 23 landkommunar.[1]
Geografi
Kart over Gagauzia
Den autonome regionen omfattar fire område som ikkje heng saman. Den nordlegaste og største delen omfattar hovudstaden Comrat, byen Ceadîr-Lunga og dei fleste av landkommunane. Den sørlege eksklaven omfattar byen Vulcănești og dei to landkommunane Cișmichioi og Etulia. Mellom desse ligg dei to mindre eksklavane kring landsbyen Carbalia mot vest og Copceac mot aust.
