Fylkesvegstrekninga mellom Myre og Sørvika på Andørja vart opna i 1994. Ibestadtunnelen mellom øyane Andørja og Rolla vart opna i 2000. Før Mjøsundbrua og vegen på Andørja vart opna, gjekk fylkesveg 848 frå Tennevoll i Lavangen kommune, med ferje frå Myrlandshaug i Gratangen kommune til Hamnvik på Rolla. Fram til Ibestadtunnelen opna var det òg ferjesamband mellom Hamnvik og Sørvika på Andørja.
Vegen mellom Hamnvik og Sørrollnes vart bygd på slutten av 1950-talet. Ferjetrafikken mellom Sørrollnes og Harstad byrja i 1964.
Før 1. januar 2010 var vegen riksveg. Etter at forvaltingsreforma trod i kraft har han status som fylkesveg.
