Frank Lee Beard (fødd 11. juni1949) er ein USA-amerikansk trommeslagar i rockbandet ZZ Top. Beard var tidlegare i banda The Cellar Dwellers, The Hustlers, The Warlocks og American Blues[1] før han byrja å spele med Billy Gibbons og Dusty Hill som ZZ Top.
Beard var fødd i Frankston i Texas. Seint i 1969 vart han med i The Moving Sidewalks, eit band som kom til å bli ZZ Top. Beard introduserte òg Gibbons for bassisten og vokalisten Dusty Hill, som Beard hadde spelt med i banda American Blues, The Warlocks og The Cellar Dwellers. Bandet gav ut debutplata si ZZ Top's First Album på London Records i januar 1971.
Trass i at etternamnet hans tyder «skjegg» på norsk, er det Hill og Gibbons som har langt skjegg som varemerke.
