Eilean Chaluim Chille
Geografi
Stad	Atlanterhavet
Koordinatar	58°07′N 6°26′W / 58.11°N 6.44°W / 58.11; -6.44
Øygruppe	Ytre Hebridane
Areal	0,85 km²
Høgaste punkt	Creag Mhor (43 moh.)
Administrasjon
Land	Skottland
Region	Ytre Hebridane
Demografi
Folketal	0

Eilean Chaluim Chille (gælisk for «øya til St. Columba», Calum Cille) er ei folketom øy i Ytre Hebridane i Skottland.

Ho ligg utanfor austkysten av Lewis ved innløpet til Loch Erisort. Ved lågvatn er Eilean Chaluim Chille knytt til Lewis via ein molo ved Crobeag.

Sør på øya ligg ruinane av kyrkja til St. Columba. Dette var ein gong eit viktig religiøst senter og vart i 1549 omtalt som soknekyrkja i området. Det har truleg vore ei kyrkje her sidan rundt år 800, bygt av etterfølgjarane til St. Columba. St. Columba døydde på Iona i 597 e.Kr. Gravplassen her var i bruk fram til 1878. Eilean Chaluim Chille er verna av Historic Scotland som eit fornminne.^[1]