Han grunnla The Kinks i lag med Pete Quaife i 1963. Broren hans, Ray, som vart det mest kjende medlemmet i bandet, kom med like etter. Kvartetten var komplett då trommeslagar Mick Avory kom med. Davies hadde eit turbulent forhold til Avory, som av ein av årsakene til at sistnemnde forlet bandet på midten av 80-talet.
Bandet gav seg i 1996, men Davies heldt fram som soloartistar fram til han fekk slag i 2004.
Sjølv om han aldri vart like kjend som den eldre broren, som skreiv dei fleste songane til the Kinks, skreiv Dave Davies eit par hitar òg. Av desse finn ein «Death of a Clown», «Love Me Till The Sun Shines», «Susannah's Still Alive» og «Living on a Thin Line». Han er òg kjend for den nyskapande stilen med powerchord som ein kan høyre på singelen «You Really Got Me» frå 1964.
