Clemons spelte med Bruce Springsteen frå 1972, og han og saksofonen var med på å gje E Street den karakteristiske lyden. På dei songane som ikkje inneheld dele med saksofon hende det òg at han bidrog med andre instrument.
Clarence Clemons jobba ikkje berre med The E Street Band, men òg med mange andre kjende artistar i tillegg til at han har hatt mange eigne musikkprosjekt. Nokre av dei mest kjende er duetten han hadde med Jackson Browne på singelen You're A Friend Of Mine i 1985, og saksofoninnspelinga på Aretha Franklins låt «Freeway Of Love».
Clemons vaks opp i Norfolk i Virginia, kor han gjekk på Maryland State College (nå University of Maryland Eastern Shore) med eit stipend i både musikk og amerikansk fotball. Han hadde gode utsikter innan fotball heilt til ein skade øydela karrieren.
Clarence Clemons vart ramma av hjerneslag 12. juni 2011, og døydde seks dagar seinare av komplikasjonar.
