Blue for You er det niande studioalbumet til det engelske rockebandet Status Quo, gjeve ut i mars 1976. Det var det siste albumet dei produserte sjølv deira før Just Supposin' i 1980, noko som gav dei neste albuma ein mykje lettare og poporientert stil.
Parfitt skreiv «Rain», som var den første singelen frå albumet og nådde sjuandeplassen på den britiske singellista då han kom ut i februar 1976. B-sida var «You Lost the Love», som ikkje var med på albumet, skriven av Rossi and Young.
Albumet kom ut månaden etter og gjekk til topps på den britiske albumlista, der det låg i tre veker.
Ein redigert versjon av Parfitt og Young sin «Mystery Song» var den andre singelen frå albumet, og kom ut i juli det året. Songen nådde 11. plassen på den britiske singellista eit par månader seinare.
I desember valde bandet å gje ut ein coverversjon av «Wild Side of Life», ein song gjort kjend av Hank Thompson and His Brazos Valley Boys, og skriven av Arlie Carter og William Warren. B-sidan var ein ny song av Rossi og Lancaster kalla «All Through the Night». Denne singelen nådde niandeplassen på singellista.
