Moorenn
  Moorenn (hoochdüütsch Moorende) is en Dörp in de Gemeen Jörk in’n Landkreis Stood, Neddersassen. GeografieMoorenn liggt glieks achtern Diek op de rechte Sied von de Eest in de Masch. De Naveröörd sünd Hoov un Königriek in’n Noorden, Neefeld in’n Noordoosten, Rübk in’n Süüdoosten, Buxthu un Neeland in’n Süden un Eestbrügg in’n Westen. Historie1607 hett de Familie Schult anfungen, de Eestborg to boon. Moorenn hett von 1885 bet 1932 to’n Kreis Jörk tohöört (vörher to dat Amt Jörk). 1932 is dat denn Deel von’n Landkreis Horborg worrn. Mit de Gemeenreform in Neddersassen an’n 1. Juli 1972 is de Oort denn aver wedder von Horborg na’n Landkreis Stood wesselt un Deel von de Gemeen Jörk worrn. In’n Tweten Weltkrieg sünd 38 Soldaten ut Moorenn fullen oder vermisst[1]. Inwahnertall
Börgermeesters
ReligionMoorenn is evangeelsch-luthersch präägt un höört to dat Kaspel von de Martini-Kark in Eestbrügg. För de Kathoolschen is de St.-Maria-Kark in Buxthu tostännig. KulturEn en Denkmaal för de Fullenen von Moorenn ut de twee Weltkrieg’ steiht in Eestbrügg. VerenenDe Schützengill Eestbrügg un Ümgegend, bi de ok Moorenn bihöört, is 1612 grünnt worrn. Weertschop un InfrastrukturIn Moorenn liggt de Obstbauversuchsanstalt, de 1935 grünnt worrn is. VerkehrMoorenn liggt an de Kreisstraat 83, de in’n Süden na Buxthu löppt un in’n Noorden an de Landsstraat 140 rangeiht. De L 140 löppt in’n Oosten na Neefeld un in’n Westen dör Königriek na Jörk. Mit en Brügg över de Eest is de Oort ok mit Eestbrügg verbunnen. Ans gifft dat noch en lüttjere Straat na Rübk. De nächste Bahnhoff is de Bahnhoff Buxthu an de Nedderelvbahn. Ver- un EntsorgungFör dat Afwater is de Afwaterverband Oolland un Geestrand mit dat Klärwark Wetterndörp tostännig. Footnoten
Weblenken
|
|||||||||||||||||||||||||||
