Geographic Names Information System

Geographic Names Information System (GNIS) is ene Datenbank, de Naams un Informatschonen to de Laag vun mehr as twee Millionen geograafschen Objekten in den Verenigten Staten un den afhängigen Territorien tohoopdreegt. GNIS wurr vun de United States Geological Survey tohoop mit dat United States Board on Geographic Names (BGN) opboot, enen Standard för de Naams vun geograafsch Objekten vörrantobringen.

Inhold vun de Datenbank

In de Datenbank sünd de Naams vun geograafsch Objekten to finnen un Verwies opbl topograafsche Kaarten, tohoop mit Informatschonen över de geograafsche Laag un bibliograafsche Nawies. Böker un histoorsche Kaarten, de een geograafsch Objekt nawiest, staat ook in de Datenbank. Ook inoffitschelle, histoorsche oder alternative Naams sünd in de Datenbank to finnen.

Enn 2014 harr dat GNIS 2.726.567 Naams für 2.268.566 geograaische Objekten in den USA sammelt.^[1]

De GNIS Datenbank bruukt 63 breide, histoorsch ranwussen Kategorien, feature classes (fröher feature types), so as to‘n Bispeel „stream“ för fleten Water, „populated places“ (ppl) för Städer un Dörps , „lake“ för Seen usw.

Kaarten wo Naams verbreidt sünd in GNIS
Geograafsche Objekten mit de Naambestanddelen „Coulee“ (orange) oder „Bayou“ (blau)
Naambestanddelen „Branch“ (viggelet), „Run“ (gröön) oder „Brook“ (orange) bi fleten Water (feature class „stream“)
Naambestanddelen „lake“ (orange) oder „pond“ (blau) bi Seen (feature class „lake“)
Naambestanddelen „-ville“ (orange) oder „-burg“ (blau) bi Städen (feature class „ppl“)

Anner Behöörden för de Naams vun geograafsch Objekten

Dat Bureau of the Census leggt Census-designated places fast, de uut mehreren in GNIS optellt Öörd bestaan köönt.
De U.S. Postal Service Publication 28 leggt Standards för de Adressen op Post fast. Daarbi leggt de Postal Service Bookstavenkoods mit twee Stellen fast, de den Bundsstaat betekent, un faste Kortformen för Straten, so as Boulevard (BLVD) un Street (ST) oder anner Angaven so as Suite (STE).

Vörslääg för anner Naams

Vörslääg för anner oder nee’e Naams kann een bi de GNIS mit Grünnen för een nee’en Naam un een Ünnerstütterlist inschicken.

Publikatschonen to’n Thema

U.S. Department of the Interior, U.S. Geological Survey, National Mapping Division, Digital Gazeteer: Users Manual, (Reston, Virginia: U.S. Geological Survey, 1994).
Heat Moon, William Least, Blue Highways: A Journey Into America, (Boston: Little Brown and Company, 1982).
Jouris, David, All Over The Map, (Berkeley, California: Ten Speed Press, 1994.).
Report: "Countries, Dependencies, Areas Of Special Sovereignty, And Their Principal Administrative Divisions," Federal Information Processing Standards, FIPS 10-4.
Report: "Principles, Policies, and Procedures: Domestic Geographic Names," U.S. Board of Geographic Names, 1997.
U.S. Postal Service Publication 28, November 2000.