Echte Weevspinnen

Domään:	Eukaryota
ahn Rang:	Veelzellers (Metazoa)
Afdeel:	Geweevdeerter (Eumetazoa)
Ünnerafdeel:	Tweesiedendeerter (Bilateria)
ahn Rang:	Ehrdermünner (Protostomia)
Böverstamm:	Huututtreckers (Ecdysozoa)
Stamm:	Liddfööt (Arthopoda)
Ünnerstamm:	Keevklauendregers (Chelicerata)
Klass:	Spinnen (Arachnida)
Ornen:	Weevspinnen (Araneae)
Ünnerornen:	Echte Weevspinnen (Araneomorphae)

Wetenschoplich Naam

Araneomorphae

Simon, 1892

De Echten Weevspinnen (Araneomorphae) sünd de gröttste Unnerornen vun de Weevspinnen. Ollere wetenschopliche Naams for de Araneomorphae sünd Labidognathae un Cribellatae.

Kennteken

De Echten Weevspinnen sünd lüttje bit hen to middelgrote Spinnen. An un for sik hefft all en Nett boot, man hüdigendags gifft dat en Reeg vun Familien, de stromert rum un fangt ehre Büte bi’t Lopen oder Jumpen un kriegt de denn unner. Dat hett de Evolutschoon so mit sik brocht. De Keevklauen bi de Echten Weevspinnen wiest nich na vörn, as bi de Vagelspinnendeerter, man schreeg oder lootrecht na de Eer. Ok dat hett sik mit de Evolutschoon ännert. So könnt de Spinnen ehre Büte beter griepen.

De Echten Weevspinnen ehre Systematik

De Echten Weevspinnen sünd een vun dree Unnerornen vun de Weevspinnen (Araneae). Mit bi 36.000 Aarden maakt se bi 90 % vun all bekannten Spinnenaarden ut.

Weevspinnen (Araneae)
- Opisthothelae
  - Vagelspinnendeerter (Mygalomorphae)
  - Echte Weevspinnen (Araneomorphae)
- Liddspinnen (Mesothelae)

Literatur

Hans-Eckhard Gruner, Lehrbuch der Speziellen Zoologie, Band I: Wirbellose Tiere, 4. Teil: Arthropoden (ohne Insecta), 1993, 4. Uplage, Jena, Stuttgart, New York
Jonathan A. Coddington, Herbert W. Levi, Systematics and Evolution of Spiders (Araneae), in: Annual Review of Ecology and Systematics, Band 2, 1991, Internetborn: Volltext PDF, engelsch}}