Forio


Forio


Nomme ufficiale:	Forio
Stato:	Italia
Reggione:	Campania
Pruvincia:	'e Napule
Estenzione:	13 km²
Pupulazzione:	16.675
Denzità:	1211 ab./km²
'E riune:	Panza
Commune vicini:	Lacco Ameno, Serrara Fontana
Coordinate giugrafiche:	40°44'0"N, 13°51'0"E Mustra 'int' 'a mappa
Sinnaco:
Codice pustale:	80075
Prefisso pe ttelefunà:	081
Santo prutettore:	San Leonardo
Festa d'o patrono:	6 'e nuvembre
Sito:	http://www.comune.forio.na.it/

Forio è nu comune ca fa 16.675 cristiane, ncopp’’a all'isula 'e Ischia, int’’a pruvincia 'e Napule.

Giugrafia

'A cità sta 'ngopp'a ll'isula 'e Ischia e cu 'e suoje 12,85 km2 'e terrieno è 'o cumune cchiù grosso 'e ll'isula.

Etimologgìa

Siconno 'o Jasolino, miedico d’’o '500, Forìo vene 'a Fiorio pecchè sciurette aropp’’a distruzzione ê ate Casale, ate studiuse dicono ca 'mmece 'a phoros (ca vvò dicere fertile), ate 'ncora dicono ca vene d’’o grieco chorìon (villaggio). 'A liggenna, vole ca nu castellano d’’o Castiello Aragonese, stufato 'e vivere ncopp’’o castiello cu 4000 perzone, dicette "Fore io" e se ne annò â ata parte 'e ll'isula a funnà 'sto cumune.

'O paese

Forio ha subbito 'int'e siecule assaje 'nvazione d’’e Saraceni, cu assaje segne 'e ll'architettura. 'Int’’e ll'anne '50 assaje artiste 'e tutt’’o munno se ravano appuntamiento 'e 'sto cumune, pe’’a belezza d’’e paesaggie addò stanno assaje torri 'e avvistamiento, a cchiù fammosa e cheste è 'o Torrione.

'O centro storeco ha nu fascino particulare cu 'e suoje palazze nobiliare. Accà ce fuje pure 'o Papa Giuvanne Paolo II 'o 5 'e majo 2002.