Pika ta' Sardinja
Tpinġijja tal-Pika ta' Sardinja Prolagus sardus bi żbal żgħir għax din kienet speċi b' denb żgħir u ma jidhirx.
Klassifikazzjoni xjentifika
Renju:	Animalia
Phylum:	Chordata
Klassi:	Mammalia
Sottoklassi:	Theria
Infraklassi:	Eutheria
Superordni:	Euarchontoglires
Ordni:	Lagomorpha
Familja:	Prolagidae Gureev, 1964
Ġeneru:	Prolagus Pomel, 1853
Speċi:	P. sardus
Isem binominali
Prolagus sardus Wagner, 1832

Il-Pika ta' Sardinja (Prolagus sardus), jew kif inhu magħruf ukoll Prolagu, kien mammiferu plaċentat nattiv tal-gżejjer ta' Sardinja u Korsika fil-Mediterran sakemm ġie estint lejn l-aħħar tas-seklu 18 u l-bidu tas-seklu 19. Uħud mill-ewwel awturi ta' Sardinja kitbu dwar dan il-lagomorfu u ddeskrivew dan il-mammiferu bħala "fenek ġgant mingħajr denb". Hemm ukoll ħjiel li n-Nuraġiċi, il-poplu antik ta' Sardinja kien jiekol dan il-lagomorfu u kien iqisu bħala prelibatezza.

Ħafna nies jemmnu li l-pika ta' Sardinja għadu jeżisti u jinsab jgħix fil-partijiet tas-selvaġġ fil-qalba lejn iċ-ċentru tal-gżira ta' Sardinja u oħrajn jemmnu li dan il-mammiferu ġie estint fi żmien ħafna aktar riċenti minn dak li jaħsbu x-xjentisti. Hemm ħafna rapporti minn nies li jgħidu li raw il-Pika ta' Sardinja iżda sal-lum l-ebda każ ma ġie verifikat.

Il-pika ta' Sardinja kien mifrux maż-żewġ gżejjer ta' Sardinja u Korsika fil-Mediterran.

• Ordni Lagomorpha
  • Familja Prolagidae (maħsuba estinta)
    • Ġeneru Prolagus (maħsub estint)
      • Prolagu ta' Sardinja jew Pika ta' Sardinja, Prolagus sardus (maħsuba estinta)

Il-Pika ta' Korsika, li qabel kien magħrufha bħala Prolagus corsicanus, illum il-ġurnata huwa meqjus bħala konspeċifiku mal-Pika ta' Sardinja u b'hekk sinonimu ta' Prolagus sardus.

• Hoffmann, Robert S., Andrew T. Smith (November 16, 2005). Wilson, D. E., and Reeder, D. M. (eds) Mammal Species of the World, 3rd edition, Johns Hopkins University Press, 193-194. ISBN 0-8018-8221-4.
• Lagomorph Specialist Group (1996).Prolagus sardus. Lista Ħamra tal-IUCN 2006.