South Dakota
(Detailer) (Detailer)
Spëtznumm: The Mount Rushmore State
Lëscht vun alle Bundesstaaten
Haaptstad:	Pierre
Gréisst Stad:	Sioux Falls
Gouverneur:	Kristi Noem
Fläch:  - Total:  - Waasser:	Op 17. Plaz 199,729 km² 1,7 %
Bevëlkerung:  - Total:  - Dicht:	Op 46. Plaz 886.667 (2020)[1] 4,52/km²
Opgeholl als Memberstaat:	2. November 1889 (40ten)
Zäitzon:	UTC-7/-6/-5

De South Dakota ass e Bundesstaat an de Great Plains an am Mëttlere Weste vun den USA.

De South Dakota grenzt am Norden un den North Dakota, am Süden un den Nebraska, am Osten un den Iowa an un de Minnesota an am Westen un de Wyoming an de Montana. Den héchste Punkt ass den Harney Peak mat enger Héicht vun 2.207 Meter. Den déifste Punkt läit op 294 m um Ufer vum Big Stone Lake. De gréissten a längste Floss ass de Missouri River, deen de Staat an eng geographesch a gesellschaftlech ënnerschiddlech ëstlech a westlech Hallschent deelt.

2015 gouf geschat, datt iwwer 858.000 Leit am Staat gewunnt hunn, vun deene sech 85,5 % als wäiss Amerikaner, 8,9 % als Indianer, 3,6 % als Hispanic/Latino, 1,8 % als Afroamerikaner, 1,4 % als asiatesch identifizéiert hunn, woubäi ee méi wéi eng Kategorie konnt uginn^[1].

Obwuel d'Landwirtschaft am South Dakota traditionell eng wichteg Roll spillt, sinn d'Déngschtleeschtungen haut de gréisste wirtschaftleche Secteur am Land. Dorënner falen ënner anerem den Eenzelhandel, d'Finanzen an d'Gesondheetszerwisser. Och den Tourismus ass e wichtege Secteur.

D'Duerchschnëttsakommes louch tëscht 2010 an 2014 bei 50.338 US-Dollar pro Stot a 26.311 USD op de Kapp^[1].

• 
  Kaart vum South Dakota
• 
  Den Nationalpark vun de Badlands
• 
  De Big Stone Lake
• 
  Mount Rushmore National Memorial
• 
  Eng Ethanolfabréck
• 
  De State Capitol, Regierungssëtz
• 
  Mat ronn 160.000 Awunner ass Sioux Falls déi gréisst Stad

Commons: South Dakota – Biller, Videoen oder Audiodateien

• Offiziell Websäit vum Staat South Dakota

1. ↑ ^{1,0 1,1 1,2} census.gov: QuickFacts: South Dakota