Den Tintin an de Kapitän Haddock mat anere Personnagen aus der Serie op enger Wandmolerei an der Bréisseler Metrosstatioun Stockel/Stokkel.
Les Aventures de Tintin, op Lëtzebuergesch Dem Tintin seng Geschichten (an der fréierer Schreifweis Dem Tintin séng Geschichten), ass eng vun de bedeitendsten europäesche Comicsserien. De Belsch Hergé (Georges Rémi, 1907–1983) huet dës humoristesch Abenteuercomicke vun 1929 bis zum Enn vu sengem Liewe geschriwwen a gezeechent.
Den Titelheld vun de Geschichten, den Tintin, ass e jonke belsche Reporter, deen uechter d'Welt (a souguer bis op de Mound) reest an dobäi an Aventurë verwéckelt gëtt. Deen éischten Optrëtt hat den Tintin den 10. Januar 1929.
Albumen
Et gëtt 24 Albume mam Tintin sengen Aventuren, wouvun dee leschten net fäerdeg gouf, an dofir zum Deel nëmmen als Maquette besteet.
Tëscht 1987 an 1994 si vum Lex Roth 7 Episoden op Lëtzebuergesch iwwersat ginn; d'Titele stinn hei drënner hanner dem franséischen Original.
Déi vill verschidden Autoen an den Tintinsalbumen sinn dem Hergé senger Léift fir d'Autoen zouzespriechen, besonnesch de sportlechen italieenesche Modeller wéi hien der spéider och selwer hat. Am Ufank vum Tintin senge Geschichten an deenen hie sech selwer mam Reporter identifizéiert, hat hie selwer nach keen Auto an e setzt den Tintin an Autoen déi méi der Situatioun ugepasst sinn, wéi de finanzielle Méiglechkeete vun engem jonke Reporter. Sou ass den Tintin an der ganzer Serie vun Albumen nëmmen zweemol selwer de Proprietär vun engem Auto, an zwar am Album Tintin au pays des Soviets eng Amilcar an am Tintin au Congo eng Ford T. Et ass och ganz rar datt en an zwéin Albumen de selwechten Auto benotzt.
Déi rout Rennmaschinn gouf aus deenen dräi Modeller zesummegebastelt. D'Calander ass vun der Amilcar CGSS (1927) (verschidde Modeller haten eng aner Calander, wéi déi hei op der Foto), de Capot an d'Auspuffréier vun der Alfa Romeo P3 an dem Jacques Martin no, kënnt de hënneschten Deel vun enger Era.
Den Opel Olympia Cabriolet war dem Hergé säin éischten Auto. Dofir hat hie vill Wäert drop geluecht fir deen Auto schéin am Le sceptre d'Ottokar ze presentéieren. An deem Band verfollegt den Tintin op engem décke Motto d'Terroristen déi an engem schassgielen Olympia fortrennen.
Am Album Tintin Hergé Les Autos gëtt d'Virlag fir den Auto als eng Dodge Coronet special de luxe opgefouert. Unhand vun der Struktur vum Külergrill wier et awer éischter de Virgängermodell Dodge Wayfarer (zweet Bild). Et ass deen eenzegen Auto deen an zwéin Albumen opdaucht
Op senge Reesen uechter d'Welt kritt den Tintin mat exotesche Sproochen ze dinn, wéi z. B. Syldawesch oder d'Sprooch vun den Arumbaya-Indianer. Dës "Sprooche" sinn awer a Wierklechkeet, duerch d'Schreifweis verfriemt "Marollien", eng Zort Argot, deen am Quartier Marolles zu Bréissel geschwat gouf, an deen den Hergé duerch seng Bomi kannt huet.
Sou ass d'syldawesch Nationaldevis "Eih bennek, eih blavek" soss näischt wéi "Hier ben ik, hier blijf ik" - "Hei sinn ech, hei bleiwen ech". D'Wierder vun engem syldawesche Polizist: "Zsálu endzoekhoszd" heeschen "Äddi, bis geschwënn" ("Salut en de kost"), asw.
Och Nimm kënne sou déchiffréiert ginn: Bab El-Ehr -> babbeleir, "Schnëssbatti", "Téinert"; Ezdanitoff -> Is dat niet tof? "Ass dat net flott", asw.
Literatur
„Rassistische Stereotype, stilbildende Kunst“ am Luxemburger Wort vum 12. Januar 2019, Säit 20
