Henry Cravatte
Gebuer	21. Mee 1911 Dikrech
Gestuerwen	4. November 1990 Ettelbréck
Nationalitéit	Lëtzebuerg
Aktivitéit	Politiker, Affekot
Partei	LSAP, SDP
Member vun	Parlamentaresch Versammlung vum Europarot

Den Henry Cravatte, gebuer den 21. Mee 1911 zu Dikrech, a gestuerwen de 4. November 1990 zu Ettelbréck^[1], war e lëtzebuergesche Politiker.

Hien huet Droit studéiert a gouf 1936 zu Dikrech Affekot.

Seng politesch Carrière huet 1951 ugefaangen, wéi en op der Lëscht vun der LSAP an de Gemengerot zu Dikrech gewielt a gläich Buergermeeschter gouf. 1957 koum en an d'Oppositioun, mä gouf 1964 nees Buergermeeschter.

An der LSAP war den Henry Cravatte vun 1953 bis 1957 Member vum Comité-directeur a vun 1959 bis 1969 President. 1959 gouf en an d'Chamber gewielt, nodeem e vun 1958 bis 1959 Staatssekretär fir Wirtschaft war. No de Chamberwale vun 1964 gouf e Vizepresident vun der Regierung an Inneminister an der Regierung Werner-Cravatte.

Den 3. Mee 1970 ass den Henry Cravatte als Parteipresident zeréckgetrueden, fir duerno an déi nei gegrënnten Sozialdemokratesch Partei anzetrieden, där hire President en de 14. Mäerz 1971 gouf an dat bis 1980 blouf.

1968, 1974 an 1979 gouf en all Kéier an d'Chamber erëmgewielt.

Vum 26. Abrëll 1976 bis den 19. Juni 1978 war hie President vum Conseil de l'Europe.

1981 huet hie sech nees bei de Gemengewalen opgesat a gouf och, op der LSAP-Lëscht (ouni awer Member ze sinn) Dikrecher Gemengeconseiller bis zu sengem Doud 1990. Vun 1970 bis 1990 war hien och President vum SYVICOL, a vun 1959 bis 1979 President vum Conseil des communes d'Europe.

• Grand-croix vum Ordre de Mérite du Grand-Duché de Luxembourg (Promotioun 1980)^[2]
• Großes Goldenes Ehrenzeichen mit dem Stern für Verdienste um die Republik Österreich^[3].

• Lëscht vun de lëtzebuergesche Regierungsmemberen

1. ↑ Annonce vum Doud vum Henry Cravatte am Lëtzebuerger Land vum 9. November 1990 op eluxemburgensia.lu gekuckt de 26. Juli 2022
2. ↑ Distinctions honorifiques à l'occasion de la Fête Nationale op der Säit 6 vum Luxemburger Wort vum 25. Juni 1980 op eluxemburgensia.lu gekuckt den 22. Oktober 2022
3. ↑ Lëscht vun de Persounen déi tëscht 1952 an 2012 d'Ehrenzeichen für Verdienste um die Republik Österreich kruten