Dësen Architektursartikel ass eréischt just eng Skizz. Wann Dir méi iwwer dëst Theema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran.

Alphonse Kemp
Gebuer	4. Juni 1872 Lëtzebuerg
Gestuerwen	27. Juli 1950 Lëtzebuerg
Nationalitéit	Lëtzebuerg
Aktivitéit	Architekt
Famill
Papp	Pierre Kemp

De Joseph Henri Alphonse Kemp, gebuer de 4. Juni 1872 an der Stad Lëtzebuerg, an do gestuerwen de 27. Juli 1950^[1], war e lëtzebuergeschen Architekt.

Hie war de Jong vum Architekt Pierre Kemp (1841-1895).

• D'Kierch Notre-Dame-de-Senelle (1924-1928) zu Herserange am Departement Meurthe-et-Moselle a Frankräich, zesumme mam Alfred Nasousky;
• d'Kierch vun Diddeleng, zesumme mam Pierre Kemp;
• den American Building an der Uewerstad;
• d'Kierch vun Téiteng^[2].

1911 huet de Kemp der Regierung e Projet proposéiert, fir d'Uelzecht ëmzeleeden. Se sollt vum Gronn aus duerch en Tunnel ënnert dem Rummplateau erduerch gefouert ginn, fir sou e Waasserkraaftwierk z'alimentéieren. Am Pafendall beim Hondhaus wier se dann erëm an hiert Bett zeréck gelaf.

D'Flossbett hätt sollen an e Boulevard ëmgebaut ginn, mat reservéierte Spuere fir den Tram a Gidderzich. Op der Héicht vum Sichenhaff hat de Kemp eng Rangéiergare an den Uschloss un de Stater Tram grad ewéi un de Chareli virgesinn.

Well de Projet als ze vill utopesch ugesi gouf, ass en net realiséiert ginn.

• Gilbert, P., 1986. La capitale et ses architectes: illustration critique de l'architecture dans la métamorphose d'une ville en un siècle. Institut grand-ducal, section des arts et des lettres, 222 S. Imprimerie Saint-Paul. BNL LB 1061, Ss. 175-176
• Philippart, R., 2007: Luxembourg. Historicisme et identité visuelle d'une capitale. 207 S. Éditions Saint-Paul. ISBN 978-2-87963-694-8, S. 138

Commons: Alphonse Kemp – Biller, Videoen oder Audiodateien

1. ↑ (fr)Doudesannonce vum Alphonse Kemp. Luxemburger Wort. viewer.eluxemburgensia.lu (29.06.1950). Gekuckt de(n) 16.10.2023.
2. ↑ St. Josephkirche von Tetingen Archivéiert de(n) 16.11.2012. Gekuckt de(n) 14.01.2012.
3. ↑ Robert Philippart, 2006, Luxembourg, de l'historicisme au modernisme - de la ville forteresse à la capitale nationale, S. 433