Summa facultatum diversarum plantarum (Arabice كتاب الجامع لأشتات النبات, plenius كيتاب الجامع لصفات أشتات النبات وضروب أنواع المفردات (Kitāb al-ǧāmiʿ li ṣifāt aštāt al-nabāt wa-ḍurūb anwāʿ al-mufradāt, scilicet "Summa facultatum diversarum plantarum specierumque variarum simplicium medicamentorum") est opus de plantis medicinalibus medio saeculo XII scriptum ab Edrisio, erudito Arabico Siciliano.

Quod opus Arabice tantum usque hodie divulgatum est. Duae recensiones exstant, quae ambae in editione fac-simile a Fuat Sezgin^(de) collegisque anno 1995 divulgata legi possunt. Recensio Constantinopolitana (MS. Fātiḥ 3610) descriptiones plantarum vel simplicium 610 continet.^[1] Quaque descriptione nomina in linguis fere duodecim subiunguntur. Recensio Teheranensis (MS. Majlis-i Sanā 18120), nominibus plurilinguibus omissis, fontes rerum botanicarum pharmacologicarumque nominatim citat.^[2]

Glossaria recensionis Constantinopolitanae linguas Hebraicam, Syriacam, Latinam, Hispanicam, Arabicam Siciliae, Arabicam Vandalitiae, Francogallicam, Graecam, Hindicam, Persicam, Carduchicam, Turcicam, Libycam, vel Barbaricam comprehendit.^[3]

Liber Edrisii saepe ab Ebenbitar citatur in opere suo maiori de simplicibus medicinis, titulo Kitāb al-ǧāmiʿ li-mufradāt al-adwiya wa-'l-aġḏiya, medio saeculo XIII scripto. A posterioribus hunc librum Edrisii deperditum fuisse censebatur, inter quos ab Ernesto Meyer^(de) qui nihilominus cognitiones botanicas in opere geographico Edrisii monstratas laudavit.^[4] Helimutus Ritter^(de) Germanus, Constantinopoli in exsilio propter homosexualitatem degens, manuscriptum ibi latentem anno 1928 repperit collegaque Max Meyerhof^(de) indicavit (qui et ille, e stirpe Iudaeo ortus, mox e Germania fugerit). Meyerhof, manuscripto ope photographematum perlecto, commentationes plures de opere Edrisii edidit.^[5] Denuo Fuat Sezgin (qui iuvenis apud Universitatem Istanbulensem discipulus fuerat Helimuti Ritter), manuscriptum Teheranensem primus indicavit annoque 1995 editionem fac-simile divulgare curavit.

Editio

• Fuat Sezgin, Amawi Mazen, Eckhart Neubauer, edd., الجامع لصفات أشتات النبات وضروب أنواع المفردات = Kitāb al-jāmi’ li- ṣifāt ashtāt al-nabāt wa-durūb anwā’ al-mufradāt = Compendium of the Properties of Diverse Plants and Various Kinds of Simple Drugs. Francofurti ad Moenum: Institut für Geschichte der Arabisch-Islamischen Wissenschaften, 1995 (Islamic Medicine, voll. 1-3; Publications of the Institute for the History of Arabic-Islamic Science. Series C, Facsimile editions, vol. 58)

Eruditio

• Federico Corriente, "Une première approche des mots occidentaux (arabes, berbères et romans) dans l’ouvrage botanique d’Aš-Šarīf Al-Idrīsī" in Alexandrine Barontini, Christophe Pereira, Angeles Vicente, Karima Ziamari, edd., Dynamiques langagières en Arabophonie: variations, contacts, migrations et créations artistiques. Hommage offert à Dominique Caubet par ses élèves et collègues (Caesaraugustae: University of Zaragoza, 2012) pp. 57-63
• Russell Hopley, "The Translation of Nature: Al-Sharif al-Idrisi on the plant life of the western Mediterranean" in Karen L. Fresco, Charles D. Wright, edd., Translating the Middle Ages (Ashgate, 2012) pp. 21-34 (Paginae selectae apud Google Books)
• Cristina La Rosa, "La terminologia botanica siculo-andalusa nel Kitāb al-ǧāmiʿ li ṣifāt aštāt al-nabāt wa-ḍurūb anwāʿ al-mufradāt di Idrīsī" in Annali di Ca' Foscari. Serie orientale (2014)
• "Aschscharif Alidrîsî" in Ernst Heinrich Friedrich Meyer, Geschichte der Botanik vol. 3 (Regiomontii: Gebrüder Bornträger, 1856) pp. 285-301
• Max Meyerhof^(de), "Über die Pharmakologie und Botanik des arabischen Geographen Edrisi" in Archiv für Geschichte der Mathematik vol. 12 (1929) pp. 45-53
• Max Meyerhof, "Eine Arzneimittellehre des arabischen Geographen Edrisi" in Forschungen und Fortschritte vol. 5 (1929) pp. 388-390
• Max Meyerhof, "Die allgemeine Botanik und Pharmakologie des Edrisi" in Archiv für Geschichte der Mathematik vol. 12 (1930) pp. 225-236
• Max Meyerhof, "Esquisse d'histoire de pharmacologie et botanique chez les Musulmans d'Espagne" in Al-Andalus: Revista de las escuelas de estudios arabes de Madrid y Granada vol. 3 (1935) pp. 1-41.
• Max Meyerhof, "Le recueil de descriptions de drogues simples du Chérif al-Idrisi" in Bulletin de l’Institut d'Egypte vol. 23 (1941) pp. 89-101

• Cristina La Rosa, L’arabo di Sicilia nel contesto magrebino: nuove prospettive e nuovi approcci metodologici (2014: dissertatio praesertim de operibus Edrisii)