Gaga est genus pteridophytorum ex Domina Gaga, cantrice et compositore carminum Americana, appellatum. Generi sunt undeviginti species, quarum duae anno 2012 erant novae: Gaga germanotta, in Ora Opulenta endemica (Domina Gaga Stefani Germanotta nata), et Gaga monstraparva, in Mexico endemica (ex eius fanaticis, parvis monstris vel fortasse melius monstrulis appellatis). Ante classificationem novam editam, septendecim species reliquae in genus Cheilantham digestae erant.[2]
