Alexander Ioannes Henricus Fridericus (Theod.: Alexander Johannes Heinrich Friedrich) Möller (natus 26 Aprilis 1903 Tremoniae, mortuus 2 Octobris 1985 Carolsruha) vir publicus et sodalis Socialis Democraticae Factionis Germaniae (SPD) erat.

Pater eius telegraphicus et postea minister publicus ferroviariae fuit. Et ipse Alexander post scholam finitam cursum muneris opifex ferroviariae coepit, sed mox diurnarius in actis diurnis Tremoniae scribebat. Praeterea anno 1923 praeses collegii opificum ferroviariae Berolini factus est. Postquam Nazistae Germaniam ocuuoaverunt (vide infra), minister societatis cautionis Austricae se sustentavit. Anno 1935 Lieselottam Klemenz amicam in matrimonium duxit. Anno 1936 ad societatem cautionis Carolsruhae movit, ibi celeriter in praesidio operam dedit. Anno 1945 praeses huius societatis factus est et ad annum 1969 mansit.

Anno 1922 una cum patre sodalis SPD factus est. Annis 1928 - 1933 legatus domus legatorum Borussiae fuit. Cum Nazistae rerum Germaniae potiti sunt, frustra operistitium omnium opificum postulavit. Itaque a dominis novis Germaniae saepius in carcerem iactus est. Post bellum finitum Möller ab Americanis legatus senatus terrae Virtembergiae-Badeniae nominatus et postea electus est. Anno 1952, cum terra Badenia-Virtembergia condita est, etiam in senatus terrae huius legatus factus est et ab anno 1958 inter rectores SPD factiones creatus est. Anno 1961 primo legatus Dietae Foederalis Germaniae electus est. Annis 1962 - 1966 etiam praeses suae factionis in Badenia-Virtembergia erat. Anno 1969 a Gulielmo Brandt (SPD) novo cancellario foederali Administer Foederalis Aerarii Publici nominatus est. Sed 12 Maii a 1971 magistratu se recessit, quod aes alienum maius, cui Brandt favebat, negavit. Ad usque annum 1976 autem legatus Dietae Foederalis Germaniae mansit.

• Curriculum vitae in pagina tabularii Instituti Fridericus Ebert (lingua Theodisca)

Administri Foederales Aerarii Publici Germaniae

Fridericus Schäffer 1949 (CSU) | Franciscus Etzel 1957 (CDU) | Henricus Starke 1961 (FDP) | Rudolphus Dahlgrün 1962 (FDP) | Curtius Schmücker 1966 (CDU) | Franciscus Iosephus Strauß 1966 (CSU) | Alexander Möller 1969 (SPD) | Carolus Schiller 1971 (SPD) | Helimutus Schmidt 1972 (SPD) | Ioannes Apel 1974 (SPD) | Ioannes Matthöfer 1978 (SPD) | Manfredus Lahnstein 1982 (SPD) | Gerhardus Stoltenberg 1982 (CDU) | Theodorus Waigel 1989 (CSU) | Anscharius Lafontaine 1998 (SPD) | Ioannes Eichel 1999 (SPD) | Petrus Steinbrück 2005 (SPD) | Volfgangus Schäuble 2009 (CDU) | Petrus Altmaier 2017 (CDU, pro tempore) |Olaus Scholz 2018 (SPD)

Consilium ministrorum Brandt I (22 Octobris 1969 - 15 Decembris 1972)

Gulielmus Brandt (SPD) | Gualterus Scheel (FDP) | Ioannes-Theodericus Genscher (FDP) | Gerhardus Jahn (SPD) | Alexander Möller (SPD) | Carolus Schiller (SPD) | Helimutus Schmidt (SPD) | Iosephus Ertl (FDP) | Gualterus Arendt (SPD) | Georgius Leber (SPD) | Catharina Strobel (SPD) | Lauritius Lauritzen (SPD) | Egon Franke (SPD) | Ioannes Leussink (nullius factionis) | Nicolaus de Dohnanyi (SPD) | Horatius Ehmke (SPD) | Erhardus Eppler (SPD) |