ពហុកោណ

ពហុកោណជារូបធរណីមាត្រដែលកើតឡើងពីសេរីនៃបន្ទាត់បន្តបន្ទាប់គ្នា ហើយបង្កើតបានជារូបបិទជិត។

គេមាន n ចំនុច ${\displaystyle A_{1},A_{2},A_{3},....A_{n}}$ ក្នុងលំហធរណីមាត្រ។ យើងអោយឈ្មោះរូប « ${\displaystyle A_{1}A_{2}A_{3}....A_{n}}$ » ដែលកើតឡើងពីស្វីតអង្កត់ ${\displaystyle [A_{1}A_{2}],[A_{2}A_{3}],...,[A_{n-1}A_{n}]}$ និង ${\displaystyle [A_{n}A_{1}]}$ ថាជាពហុកោណ។ n ចំនុចខាងលើនេះ គេអោយឈ្មោះថា កំពូល នៃពហុកោណ ហើយ n អង្កត់ខាងលើជា ជ្រុង នៃពហុកោណ។ នៅតាមកំពូលនីមួយៗមានមុំ ដែលគេហៅថា មុំកំពូល ផ្គុំឡើងពីជ្រុង២ជាប់គ្នា។

នៅក្នុងអត្ថបទខាងក្រោមនេះ យើងនឹងនិយាយតែពីពហុកោណប្លង់ នៅក្នុងធរណីមាត្រអឺគ្លីត។

លំដាប់នៃពហុកោណមួយជាចំនួនកំពូល ជ្រុង ឬ មុំកំពូល។ ឧទាហរណ៍ ពហុកោណលំដាប់៥ មាន កំពូល៥ ជ្រុង៥ និង មុំកំពូល៥។

• ប្រសិនបើពហុកោណមានលំដាប់គូ
  • កំពូល២ឈមគ្នា កាលណាវាត្រូវបានចែកដោយ ${\displaystyle {\dfrac {n}{2}}}$ ជ្រុង
  • ជ្រុង២ឈមគ្នា កាលណាវាត្រូវបានចែកដោយ ${\displaystyle {\dfrac {n}{2}}}$ ចំនុច
• ប្រសិនបើពហុកោណមួយមានលំដាប់សេស ជ្រុងនីមួយៗ មានកំពូលឈមរបស់វារៀងៗខ្លួន។

• គ្រប់អង្កត់ដែលភ្ជាប់កំពូលមិនជាប់គ្នា២របស់ពហុកោណមួយ ត្រូវបានគេអោយឈ្មោះថាអង្កត់ទ្រូង។ ពហុកោណដែលមាន n ជ្រុង មានអង្កត់ទ្រូងចំនួន ${\displaystyle {\dfrac {n(n-3)}{2}}}$ ។
• ផលបូកមុំក្នុងរបស់ ពហុកោណដែលមាន n ជ្រុង គឺ ${\displaystyle (n-2)\pi \,}$
• ផលបូកមុំក្រៅរបស់ ពហុកោណដែលមាន n ជ្រុង គឺ ${\displaystyle 2\pi \,}$
• ពហុកោណដែលមាន n កំពូល នោះផលបូកមុំក្នុង និង មុំក្រៅ មានរង្វាស់ស្មើនឹង ${\displaystyle n\pi \,}$ ។ ដូចនេះផលបូកមុំក្រៅនៃពហុកោណស្មើនឹង ${\displaystyle n\pi -(n-2)\pi =2\pi \,}$
• ផលបូកមុំក្នុងនិងមុំក្រៅត្រង់កំពូលមួយនៃពហុកោណមានរង្វាស់ស្មើនឹង ${\displaystyle \pi \,}$

គេអាចចែកប្រភេទពហុកោណតាមច្រើនរបៀប៖ ចំនួនជ្រុង តាមភាពប៉ោងផត តាមភាពស៊ីមេទ្រី មុំ ជាដើម។

ឈ្មោះពហុកោណ

ចំនួនជ្រុង	ឈ្មោះ	ឧទាហរណ៍
៣	ត្រីកោណ
៤	ចតុកោណ
៥	បញ្ចកោណ
៦	ឆកោណ
៧	សប្តកោណ
៨	អដ្ឋកោណ
៩	នព្វកោណ
១០	ទសកោណ
១១	ឯកទសកោណ
១២	ទ្វាទសកោណ

ឈ្មោះ	និយមន័យ	រូបភាព
ពហុកោណប៉ោង	​ជាពហុកោណដែលមិនផត
ពហុកោណផត	ជា​ពហុកោណ​ដែលជ្រុង​មិនកាត់គ្នា​ហើយ​អង្កត់ទ្រូង​យ៉ាងហោចណាស់​១ មិនស្ថិត​នៅក្នុង​ផ្ទៃ​របស់ពហុកោណ​ទាំងស្រុង
ពហុកោណខ្វែង	ជាពហុកោណ​ដែលមាន​ជ្រុង​២​យ៉ាងតិច កាត់គ្នា

វិគីមេឌា Commons មានមេឌា​ដែលបានទាក់ទងនឹង:

Polygons