ვიტორიო ამადეო II ფრანჩესკო (იტალ. Vittorio Amadeo II Francesco; დ. 14 მაისი, 1666, ტურინი, — გ. 31 ოქტომბერი, 1732, რივოლი) — სალუცოს და მონფერატოს მარკიზი, აოსტას, მორიანას და ნიცას გრაფი, პიემონტის პრინჩიპე (თავადი) და სავოიის ჰერცოგი 1675-1720 წლებში,სიცილიის მეფე 1713–1720 წლებში და სარდინიის პირველი მეფე 1720–1730 წლებში.

ვიტორიო ამადეო სავოიის ჰერცოგ კარლო ემანუელე II-სა და მისი მეუღლის, მარია ბატისტას ვაჟი იყო. მამის გარდაცვალების შემდეგ 1675 წელს იგი სავოიის ჰერცოგი გახდა. პირველი მმართველობა გაგრძელდა 1720 წლამდე. 1713 წელს იგი სიცილიის მეფედ ეკურთხა, ვინაიდან ესპანეთის მემკვიდრეობისათვის ომის დასრულების შემდეგ უტრეხტის ზავის მიხედვით სიცილია სავოიას გადაეცა. ვიტორიო ამადეომ სიცილიის ტახტზე უარი თქვა, მას შემდეგ რაც იგი კუნძულ სარდინიის სანაცვლოდ გადასცა ჰაბსბურგებს. 1720 წელს ვიტორიო ამადეო სარდინიის პირველ მეფედ ეკურთხა.

ვიტორიო ამადეო II დაქორწინებული იყო ანა დ’ორლეანზე, რომელთანაც შეეძინა შვილები:

• მარია ადელაიდე სავოიელი (დ. 6 დეკემბერი 1685 — გ. 12 თებერვალი 1712), ბრეტანის ჰერცოგინია
• მარია ანა (დ. 14 აგვისტო 1687 — გ. 5 აგვისტო 1690), სარდინიის პრინცესა
• მარია ლუიზა სავოიელი (დ. 17 სექტემბერი 1688 — გ. 14 თებერვალი 1714), ესპანეთის დედოფალი, ფელიპე V-ის მეუღლე
• ვიტორიო ამადეო (დ. 6 მაისი 1699— გ. 22 მარტი 1715), სარდინიის პრინცი
• კარლო ემანუელე III (დ. 27 აპრილი 1701 —გ. 20 თებერვალი 1773), პიემონტ-სარდინიის მეფე
• ემანუელე ფილიბერტო (დ. 1 დეკემბერი 1705 — გ. 19 დეკემბერი 1705), ჰერცოგი დე შაბლე

გარდა ამისა ვიტორიო ამადეო II-ს 2 უკანონო შვილი ჰყავდა:

• ვიტორია ფრანჩსკა (დ. 9 თებერვალი 1690 — გ. 8 ივლისი 1766), ჰერცოგინია დე სავოია-კარინიანი
• ვიტორიო ფრანჩესკო

• სარდინიის მეფეთა სია

• Bertolotti D. Istoria della R. Casa di Savoia : [итал.]. — Milano : Antonio Fontana, 1830. — 301 p.