PROFILPELAJAR.COM

26 სიმღერა
	მხარე 1 „Astronomy Domine“; „See Emily Play“; „The Happiest Days of Our Lives“; „Another Brick in the Wall (Part 2)“; „Echoes“; „Hey You“; „Marooned“; „The Great Gig in the Sky“; „Set the Controls for the Heart of the Sun“; „Money“; „Keep Talking“; „Sheep“; „Sorrow“; მხარე 2 ; „Shine On You Crazy Diamond (Parts I–VII)“; „Time“; „The Fletcher Memorial Home“; „Comfortably Numb“; „When the Tigers Broke Free“; „One of These Days“; „Us and Them“; „Learning to Fly“; „Arnold Layne“; „Wish You Were Here“; „Jugband Blues“; „High Hopes“; „Bike“;

10 სიმღერა
	მხარე 1 „Speak to Me“; „Breathe“; „On the Run“; „Time“; „The Great Gig in the Sky“; მხარე 2 ; „Money“; „Us and Them“; „Any Colour You Like“; „Brain Damage“; „Eclipse“;

„Time“
სინგლი — პინკ ფლოიდი
ალბომიდან The Dark Side of the Moon
B-მხარე	Us and Them (შემოკლებული ვერსია)
გამოსვლის თარიღი	1973
ჩაიწერა	ივნისი 1972 - იანვარი 1973
ჟანრი	პროგრესული როკი, მძიმე როკი
ხანგრძლივობა	7:05; 5:56 (Breathe Reprise-ს გარეშე); 3:33 (სინგლის ვერსია)
ხმისჩამწერი ლეიბლი	Harvest Records, EMI (ბრიტანეთი); Harvest Records, Capitol (აშშ)
პროდიუსერი	პინკ ფლოიდი
პინკ ფლოიდი — სინგლების ქრონოლოგია
The Dark Side of the Moon — სიმღერების სია
10 სიმღერა
	მხარე 1 „Speak to Me“; „Breathe“; „On the Run“; „Time“; „The Great Gig in the Sky“; მხარე 2 ; „Money“; „Us and Them“; „Any Colour You Like“; „Brain Damage“; „Eclipse“;
Echoes: The Best of Pink Floyd — სიმღერების სია
26 სიმღერა
	მხარე 1 „Astronomy Domine“; „See Emily Play“; „The Happiest Days of Our Lives“; „Another Brick in the Wall (Part 2)“; „Echoes“; „Hey You“; „Marooned“; „The Great Gig in the Sky“; „Set the Controls for the Heart of the Sun“; „Money“; „Keep Talking“; „Sheep“; „Sorrow“; მხარე 2 ; „Shine On You Crazy Diamond (Parts I–VII)“; „Time“; „The Fletcher Memorial Home“; „Comfortably Numb“; „When the Tigers Broke Free“; „One of These Days“; „Us and Them“; „Learning to Fly“; „Arnold Layne“; „Wish You Were Here“; „Jugband Blues“; „High Hopes“; „Bike“;

„Time“ (ქართ. დრო) — მეოთხე სიმღერა^[1] ინგლისური პროგრესული როკ-ჯგუფ პინკ ფლოიდის 1973 წლის ალბომიდან The Dark Side of the Moon. ეს არის ერთადერთი სიმღერა ალბომზე, რომლის ავტორად ჯგუფის ოთხივე წევრია დასახელებული. სიმღერა ცნობილია საათებისა და მაღვიძარების რეკვის ხმით, რომელიც ალან პარსონსმა ჩაწერა არა სპეციალურად ალბომისთვის, არამედ კვადროფონიის ტესტირების მიზნით.

სიმღერაში აღწერილია თუ როგორ სწრაფად გარბის დრო ასაკის მატებასთან ერთად, რასაც სიბერეში ადამიანი ხშირად მიჰყავს სასოწარკვეთილებამდე, წარსულის გამოუყენებელი შესაძლებლობების გამო.

კომპოზიცია

საათების რეკვის ხმა ჩაწერეს ანტიკვარიატის მაღაზიაში. მას მოჰყვება ნიკ მეისონის პერკუსიის ორწუთიანი პასაჟი, რომელსაც გასდევს როჯერ უოტერსის მიერ ბასზე იმიტირებული საათის წიკწიკის ხმა. სტროფებს მღერის დეივიდ გილმორი, მისამღერებს კი რიჩარდ რაიტი. დამატებით ვოკალს კი ქალი მომღერლები ასრულებენ. სიმღერის ტექსტი დაკავშირებულია უოტერსის მიერ იმის შეცნობასთან, რომ ცხოვრების აზრი არა მომავლისთვის მზადებაშია, არამედ საკუთარი ბედისწერის წარმართვაში.

სიმღერა ხანგრძლივობით მეორეა ალბომზე^[2], Us and Them-ის შემდეგ. ის ცნობილია გილმორის გიტარის სოლოს გამო, რომელსაც ხშირად ასახელებენ მის ერთ-ერთ საუკეთესო სოლოდ.

Breathe (Reprise)

„Breathe (Reprise)“ არის სიმღერის „Breathe“ რეპრიზა. ალბომის ჩაწერის პერიოდში მას ეწოდებოდა Home Again.

სიმღერის დასრულების შემდეგ მონოტონურად და გადაბმულად ჟღერს ერთადერთი ნოტი, რომელსაც მოჰყვება „The Great Gig in the Sky“.

ჯგუფის 2005 წელს გაერთიანებისას, კონცერტზე Live 8, Breathe და Breathe (Reprise) შესრულდა ერთად. საგულისხმოა, რომ Breathe (Reprise) ასევე შეტანილია კრებულში Echoes: The Best of Pink Floyd, თუმცა მისი ტექსტი ალბომის ბუკლეტზე წარმოდგენილი არ არის.

პერსონალი

დეივიდ გილმორი - გიტარა, ვოკალი
როჯერ უოტერსი - ბასი
ნიკ მეისონი - პერკუსია და დასარტყმელი საკრავები
რიჩარდ რაიტი - ორგანი, ელექტრონული პიანინო, სინთეზატორი და ვოკალი
დორის ტროი - დამატებითი ვოკალი
ლესლი დუნკანი - დამატებითი ვოკალი
ლიზა სტრაიკი - დამატებითი ვოკალი
ბარი სენტ ჯონი - დამატებითი ვოკალი

პოპ კულტურა

სიმღერის შესავალი გამოყენებულია სერიალ Life on Mars-ის ტრეილერებში.
1995 წლის 3-11 თებერვალს სიმღერის შესავალი გამოყენებული იყო კოსმიური მისიის STS-69-ს ეკიპაჟის წევრების გასაღვიძებლად.

ალტერნატიული და საკონცერტო ვერსიები

სიმღერის ცოცხალი ვერსიის მოსმენა შესაძლებელია P•U•L•S•E-ის DVD-სა და CD-ზე.
სიმღერა აგრეთვე შესულია Delicate Sound of Thunder-ის აუდიო და ვიდეო გამოცემებზე. ეს ვერსია არ შეიცავს Breathe (Reprise)-ს.
როჯერ უოტერსის სოლო ტურის DVD-სა და CD-ზე In the Flesh: Live შესულია სიმღერის ვერსია, რომელსაც ასრულებენ უოტერსი, დოილ ბრემოლ II და ჯონ კერინი.
რიკ რაიტთან ერთად შესრულებული სიმღერა შესულია დეივიდ გილმორის DVD-ზე Remember That Night და Live in Gdansk-ის CD-ზე.

ქავერ ვერსიები

მელისა ქუეიდის მიერ შესრულებული ვერსია შესულია 2002 წლის ტრიბუტ ალბომზე Echoes of Pink.
2003 წლის ტრიბუტ ალბომზე A Fair Forgery of Pink Floyd შესულია სიმღერის ვერსია კელსი ვუდის შესრულებით (რომელიც ალბომის გამოცემის დროს 14 წლის იყო).
Dream Theater-მა შეასრულა ეს სიმღერა 2006 წელს მთლიან The Dark Side of the Moon-თან ერთად.
არსებობს სიმღერის რეგი-ვერსიაც, რომელსაც ასრულებს ჯგუფი Easy Stars All-Stars.
Weezer-ი ასრულებდა ამ სიმღერას 2008 წლის ტურნეზე.

სქოლიო

↑ სიმღერის ნომერი დამოკიდებულია ალბომის გამოცემაზე. ზოგ გამოცემაში გაერთიანებულია კომპოზიციები Speak to Me და Breathe.
↑ Breathe-ის რეპრიზის ჩათვლით. ამ სიმღერის გამოკლებით Time-ის ხანგრძლივობა მცირდება 5:56-მდე და ხდება სიგრძით მესამე სიმღერა ალბომზე (Money-ს შემდეგ)

[1] სიმღერის ნომერი დამოკიდებულია ალბომის გამოცემაზე. ზოგ გამოცემაში გაერთიანებულია კომპოზიციები Speak to Me და Breathe.

[2] Breathe-ის რეპრიზის ჩათვლით. ამ სიმღერის გამოკლებით Time-ის ხანგრძლივობა მცირდება 5:56-მდე და ხდება სიგრძით მესამე სიმღერა ალბომზე (Money-ს შემდეგ)

[1]

[2]