| Madly in Anger with the World Tour |
|---|
| ტურნე, გამართული მეტალიკის მიერ |
|---|
| დაკავშირებული ალბომი |
St. Anger |
|---|
| დაწყების თარიღი |
6 ნოემბერი, 2003 |
|---|
| დასრულების თარიღი |
28 ნოემბერი, 2004 |
|---|
| კონცერტების რაოდენობა |
137 |
|---|
| მეტალიკის კონცერტების ქრონოლოგია |
|---|
|
|
Madly in Anger with the World Tour იყო ამერიკული მძიმე მეტალ ჯგუფ მეტალიკის 2003-2004 წლებში გამართული საკონცერტო ტურნე, ჩატარებული მათი მერვე სტუდიური ალბომის, St. Anger, მხარდასაჭერად, რომელიც გამოვიდა 2003 წლის 5 ივნისს.[1]
ალბომის St. Anger გამოშვების შემდეგ მეტალიკამ ჩაატარა რამდენიმე კონცერტი როგორც მათი ტურნეს Summer Sanitarium Tour 2003 ნაწილი; ეს კონცერტები იყო პირველი, სადაც ჯგუფი ახალ ბასისტთან, რობერტ ტრუჰილოსთან ერთად წარდგა მაყურებლის წინაშე. მსოფლიო ტურნე კი მხოლოდ 2003 წლის 6 ნოემბერს დაიწყო ტოკიოში, რომელიც 2004 წლის 28 ნოემბერს დასრულდა სან-ხოსეში.
ტურნეს ყოველი კონცერტი პროფესიონალურად იწერებოდა და წარმატებით იყიდებოდა საიტზე livemetallica.com, რაც ტურნეს სიახლეს წარმოადგენდა.[2]
2004 წლის 6 ივნისს დრამერმა ლარს ულრიხმა თავი ცუდად იგრძნო Download Festival-ის წინ, რის გამოც ჯგუფს მოუწია დროებით მისი ჩანაცვლება მოხალისეებით, რომელთა შორისაც იყვნენ დეივ ლომბარდო სლეიერიდან, ჯოი ჯორდისონი Slipknot-იდან და ფლემინგ ლარსენი, ულრიხის დასარტყმელი ინსტრუმენტების ტექნიკოსი.[3]
ტურნე განსაკუთრებული პოპულარობით სარგებლობდა სკანდინავიაში, რამაც გამოიწვია მეტალიკის მთელი ძველი კატალოგის გამოჩენა ჩარტებში.[4]
სიმღერების სია მრავალფეროვნებით გამოირჩეოდა ტურნეს დროს. ჯგუფმა ძველი სიმღერები ფართოდ წარმოადგინა ტურნეში, ხოლო სიმღერები ახალი ალბომიდან St. Anger შემცირებული რაოდენობით, ზოგჯერ, მხოლოდ ერთი სიმღერითაც კი შემოიფარგლებოდა.[5] იშვიათი შესრულების ნახვაც შეიძლებოდა ტურნეში,[6] მაგალითად, რამდენიმე სიმღერა ალბომიდან ...And Justice for All, ადრე მიჩნეული მეტად რთულად და ხანგრძლივად საკონცერტო შესრულებისთვის. ერთ-ერთი ასეთია Dyers Eve, რომლის დებიუტი სცენაზე შედგა 2004 წლის ხუთ მარტს ლოს-ანჯელესში, 16 წლის შემდეგ მისი ჩაწერიდან.[7]
ჟურნალ Pollstar-ის ცნობით, Madly in Anger with the World Tour იყო 2004 წლის მეოთხე ყველაზე მაღალშემოსავლიანი ტურნე: ჯგუფს მოუტანა 160 500 000 აშშ-ის დოლარი ბილეთების გაყიდვიდან.
სიმღერების სია
პერსონალი
რესურსები ინტერნეტში
სქოლიო
|
|---|
| | | | სტუდიური ალბომები | |
|---|
| | კავერების ალბომები | |
|---|
| | ერთობლივი ალბომები | |
|---|
| | EP-ები | |
|---|
| | საკონცერტო ალბომები | |
|---|
| | ბოქს-სეტები | |
|---|
| | სინგლები | |
|---|
| | პრომო-სინგლები | |
|---|
| | სხვა სიმღერები | |
|---|
| | ვიდეო ალბომები | |
|---|
| | ტურნეები | |
|---|
| | სხვა სტატიები | |
|---|
|