PROFILPELAJAR.COM

ჯესიკა ბილი
ჯესიკა ბილი
	; ჯესიკა ბილი 2013 წელს
დაბადების სახელი	ჯესიკა კლერ ბილი
დაბადების თარიღი	3 მარტი, 1982; ილი, მინესოტა, აშშ
საქმიანობა	მსახიობი; მოდელი; მომღერალი
აქტიური	1996–დღემდე
მეუღლე(ები)	ჯასტინ ტიმბერლეიკი

ჯესიკა კლერ ბილი (ინგლ. Jessica Biel; დ. 3 მარტი, 1982) — ამერიკელი მსახიობი, მოდელი და მომღერალი. ცნობილი გახდა ტელესერიალ „მეშვიდე ცა“-ში შესრულებული როლის შემდეგ. არაერთ ცნობილ ფილმში მიიღო მონაწილეობა, რომელთაგან აღსანიშნავია: „ტეხასური ხოცვა ბენზოხერხით“ (2003), „ბლეიდი 3“ (2004), „ჩაკი და ლარი: სახანძრო ქორწილი“ (2007), „გუნდი „ა“ (2010), „ახალი წლის წინა დღე“ (2011), „ყველაფრის გახსენება“ (2012).

ჯესიკა ბილი დაიბადა აშშ-ის მინესოტის შტატის ქალაქ ილში, დედამისის — დიასახლისისა და სულიერი მკურნალის კიმბერლის და მამამისის — „General Electric“-ის მუშაკის, მეწარმისა და ბიზნეს-კონსულტანტის ჯონათან ბილის ოჯახში.^[1]^[2] ჯესიკა ბილი გერმანული, ფრანგული, ინგლისური, ირლანდიური და ჩოქტო წარმოშობისაა.^[3]^[4] ჰყავს უმცროსი ძმა ჯასტინი (დ. 1985).^[5] ბილის ოჯახი საცხოვრებელ ადგილს ხშირად იცვლიდა; ცხოვრობდნენ ტეხასში, კონექტიკუტში, ილინოისში. საბოლოოდ დასახლდნენ კოლორადოს შტატის ქალაქ ბოულდერში. ბილი მოზარდის ასაკში ფეხბურთს თამაშობდა,^[6] აგრეთვე ემზადებოდა ტანმოვარჯიშეზე.^[2]

თავდაპირველად ბილი ვოკალზე სწავლობდა. 9 წლის ასაკში გამოჩნდა რამდენიმე მუსიკალურ დადგმაში, სადაც სპექტაკლში მთავარ როლებს ასრულებდა. მოგვიანებით სამოდელო საქმით დაკავდა, იღებდნენ სარეკლამო რგოლებში. 14 წლის ასაკში მიიღო მერი კედმენის როლი სატელევიზიო სერიალში „მეშვიდე ცა“, რომელსაც მრავალი წელი უჩვენებდნენ WB სატელევიზიო არხზე. კინოში პირველი როლი მიიღო 1997 წელს ფილმში „ულის ოქრო“, სადაც თამაში მოუწია პიტერ ფონდასთან. მას შემდეგ რეგულარულად იღებს როლებს ჰოლივუდის ფილმებში.

2007 წლის იანვრიდან ურთიერთობაში იმყოფება ცნობილ ამერიკელ მომღერალთან და მსახიობთან — ჯასტინ ტიმბერლეიკთან, თუმცა 2011 წლის მარტში ისინი ერთმანეთს დაშორდნენ. იმავე წლის შემოდგომაზე შერიგდნენ, ხოლო დეკემბრის ბოლოს ტიმბერლეიკმა ჯესიკას ხელი სთხოვა. 2012 წლის 19 ოქტომბერს წყვილი დაქორწინდა.^[7]

ფილმოგრაფია

წელი	სახელწოდება	როლი	შენიშვნა
1996– 2006	მეშვიდე ცა	მერი კედმენი
1997	ულის ოქრო	კეისი
1998	სახლში საშობაოდ ვიქნები	ელი
2001	საზაფხულო თამაშები	ტენლი
2002	სექსის წესები	ლარა
2003	ტეხასური ხოცვა ბენზოხერხით	ერინი
2004	მობილური	ქლოი
2004	ბლეიდი 3	ებიგეილი
2005	სტელსი	კარა
2005	ელისაბეთტაუნი	ელენი
2005	ლონდონი	ლონდონი
2005	გრიფინები	ბრუკი (ხმა)	ეპიზოდი: „Brian the Bachelor“
2006	ილუზიონისტი	სოფი
2006	სიმამაცის სახლი	ვანესა
2007	წინასწარმეტყველი	ლიზი
2007	ჩაკი და ლარი: სახანძრო ქორწილი	ალექსი
2008	მჟავა	როუზ-ჯინი
2008	მსუბუქი ყოფაქცევა	ლარიტა
2009	პლანეტა 51	ნირა (ხმა)
2010	წმინდა ვალენტინის დღე	კარა
2010	გუნდი „ა“	კარისა
2011	ახალი წლის წინა დღე	ტესი
2012	ყველაფრის გახსენება	მელინა
2012	მაღალი კაცი	ჯულია
2012	რა ვიცით სიყვარულზე?	სტეისი
2012	ჰიჩკოკი	ვერა მაილზი
2013	სიმართლე ემანუელზე	ლინდა
2015	ვნებით შეპყრობილი	ელისი
2015	სისხლმდინარე გული	მეი
2016	ეშმაკი და ღრმა ლურჯი ზღვა	პენი
2016	მკვლელობის ხარისხი	კლარა
2016	სპარკი	ვიქსი	ხმა

რესურსები ინტერნეტში

სქოლიო

↑ Kappes, Serena. (July 27, 2005) Celeb Spotlight: Jessica Biel – Stealth, Jessica Biel. Time Inc.. დაარქივებულია ორიგინალიდან — მაისი 28, 2010. ციტირების თარიღი: April 17, 2010.
↑ ^2.0 ^2.1 Jonathan Van Meter. ; Mario Testino (Photographer) (February 2010) The Real Biel. Variety. Condé Nast Publications. დაარქივებულია ორიგინალიდან — 2012-07-28. ციტირების თარიღი: 2012-09-01.
↑ Venutolo, Anthony (May 16, 2009). „Jessica Biel keeps challenging herself to prove she's pretty darned talented“. The Star-Ledger.
↑ "Jessica Biel: The Real Biel" დაარქივებული 2012-07-28 საიტზე Wayback Machine. Vogue
↑ „Jessica Biel: Actress – Most Beautiful, Jessica Biel“. People. Time Inc. 51 (17). May 10, 1999. დაარქივებულია ორიგინალიდან — იანვარი 17, 2010. ციტირების თარიღი: June 2010. შეამოწმეთ თარიღის პარამეტრი |accessdate=-ში (დახმარება)
↑ James Brady (July 10, 2005). „In Step With: Jessica Biel“. Parade Magazine.
↑ Justin Timberlake-Jessica Biel wedding: 'It's great to be married'. Los Angeles Times (October 19, 2012). ციტირების თარიღი: October 19, 2012.