„ხეტაფე“ (ესპ. Getafe Club de Fútbol) — ესპანური საფეხბურთო კლუბი, ამავე სახელწოდების ქალაქიდან. ასპარეზობს ესპანეთის სეგუნდა დივიზიონში. საშინაო მატჩებს ატარებს სტადიონ კოლისეუმ ალფონსო პერესზე, რომელიც 1998 წელს აშენდა და 18 000 მაყურებელს იტევს.
კლუბი დაარსდა 1946 წლის 24 თებერვალს, განახლდა 1983 წლის 8 ივლისს. პრიმერა დივიზიონში პირველად აღზევდა 2004-05 წლების სეზონში და გაატარა მიჯრით 12 სეზონი, 2015-16 წლების გათამაშებაში დაიკავა მე-19 ადგილი და დაქვეითდა მე-2 დივიზიონში.
„ხეტაფეს“ მთავარი მეტოქე არის „ლეგანესი“, რომელიც ტერიტორიულად ახლოს არის დაბანაკებული, ასევე კლუბს ამხანაგური მეტოქეობა აკავშირებს მადრიდულ კლუბებთა, „რეალსა“ და „ატლეტიკოსთან“.
რესურსები ინტერნეტში
