ეკატერინე (ეკა) თამაზის ასული ბეჟანიშვილი
დაბადების თარიღი	25 აგვისტო, 1973 ტიბაანი
გარდაცვალების თარიღი	9 აპრილი, 1989 (15 წლის) თბილისი
დაკრძალულია	თბილისის ზღვის სასაფლაო
მშობლები	მამა: თამაზ ბეჟანიშვილი დედა: ლალი ყანჩაველი-ბეჟანიშვილი[1].
ჯილდოები

ეკატერინე (ეკა) ბეჟანიშვილი (დ. 25 აგვისტო^[2][3], 1973, სოფელი ტიბაანი, სიღნაღის რაიონი — გ. 9 აპრილი, 1989, თბილისი) — სკოლის მოსწავლე, 9 აპრილის ტრაგედიის გმირი (15 წლის).

ეკა ბეჟანიშვილი დაიბადა 1973 წლის 25 აგვისტოს სოფელ ტიბაანში. თბილისში სწავლობდა ვ. კომაროვის სახელობის ფიზიკა-მათემატიკის სკოლაში^[4][5].

1989 წლის 9 აპრილს (მაშინ ის იყო მე-10 კლასის მოსწავლე) ტრაგიკულად დაიღუპა თბილისში, რუსთაველის გამზირზე გამართული საპროტესტო დემონსტრაციის დარბევის დროს. ეკა ბეჟანიშვილი 9 აპრილის ტრაგედიის ყველაზე პატარა მსხვერპლია^[6]. დაკრძალეს 15 აპრილს^[7] თბილისის ზღვის სასაფლაოზე.

1991 წელს თბილისის ერთ-ერთ ქუჩას ეწოდა მისი სახელი (იხ. ეკა ბეჟანიშვილის ქუჩა).

2014 წლის 9 აპრილს, ტრაგიკული მოვლენებიდან 25 წლის თავზე საქართველოს პრეზიდენტმა გიორგი მარგველაშვილმა ოჯახის წევრებს წმინდა გიორგის სახელობის გამარჯვების ორდენი გადასცა^{[8][მკვდარი ბმული]}.

• გვერდწითელი გ., „9 აპრილი“, თბ., 1990