ამირან მიხეილის ძე ტოტიკაშვილი (დ. 21 ივლისი, 1969, მარტყოფი, გარდაბნის რაიონი) — ქართველი და საბჭოთა ძიუდოისტი. საბჭოთა კავშირის სპორტის დამსახურებული ოსტატი (1990).^[1]

1988 წლის სეულის ოლიმპიური თამაშების ბრინჯაოს პრიზიორი 60 კგ. წონით კატეგორიაში. მსოფლიოს ჩემპიონი (1989), ევროპის 2-გზის ჩემპიონი (1988, 1989) და მესამე პრიზიორი (1990). საბჭოთა კავშირის 2-გზის ჩემპიონი (1988, 1989). მსოფლიოს ჩემპიონი სტუდენტთა შორის (1988). „კეთილი ნების თამაშების“ ჩემპიონი (1990). საბჭოთა კავშირის ჩემპიონატის ბრინჯაოს პრიზიორი: 1991 (მინსკი; 60კგ),საერთაშორისო ტურნირების ჩემპიონი: პოტსდამი (1989; 65კგ), პარიზი (1990; 65კგ), თბილისი (1990; 60კგ), ვარშავა (1992; 65კგ); საერთაშორისო ტურნირების ვიცე-ჩემპიონი: ბუდაპეშტი (1996; 65კგ), ვარშავა (1996; 65კგ).

დისციპლინა	ადგილმდებარეობა	ტურნირი	წონითი კატეგორია	ადგილი
ძიუდო	მაინის ფრანკფურტი, გფრ	ევროპის ჩემპიონატი 1990	-60 კგ	03 
ძიუდო	ჰელსინკი, ფინეთი	ევროპის ჩემპიონატი 1989	-60 კგ	01 
ძიუდო	პამპლონა, ესპანეთი	ევროპის ჩემპიონატი 1988	-60 კგ	01 
ძიუდო	ბელგრადი იუგოსლავია	მსოფლიო ჩემპიონატი 1989	-60 კგ	01 
ძიუდო	სეული, კორეა	ზაფხულის XXIV ოლიმპიური თამაშები 1988	-60 კგ	03 

1990 წლის დეკემბერში სპორტულმა ჟურნალისტებმა ამირან ტოტიკაშვილი საქართველოს მეექვსე საუკეთესო სპორტსმენად დაასახელეს.^[2]