Selandia Anyar utawa Niu Sélan kang sajeroning basa Maori karan Aotearoa (tegesé Lemah Mega Putih Dawa), iku siji nagara kapuloan ing kidul-kulon Samodra Pasifik ing kidul-wétan Ostrali. Nagara iki dumadi saka loro pulo gedhé yaiku (Pulo Lor lan Pulo Kidul) lan sawatara pulo cilik liyané. Niu Selan iku nagara dhémokrasi parlementer lan siji wewengkon Persemakmuran Britania (Commonwealth Realm). Niu Selan duwé tanggung jawab tumrap nagara pamaréntah-dhéwé Kapuloan Cook lan Niue sarta ngatur Tokelau lan Dependensi Ross.
Jeneng Niu Selan dijupuk saka provinsi Zeeland ing Walanda. Jeneng iki diwènèhké déning Albert Tasman, panjelajah saka Walanda.
Dhémografi
Niu Selan duwé populasi watara 4 yuta. Watara 80% saka populasiné iku turunan Éropah. Suku Maori minangka grup etnik kaloro gedhé dhéwé (14,7%). Ing taun 1996 lan 2001, cacahing wong Asia (6,6%) ngliwati cacahing wong Kapuloan Pasifik (6,5%).
Kristen minangka agama dominan ing Niu Selan, sanajan amèh 40% populasiné ora duwé agama. Denominasi utama Kristen yaiku Anglikan, Presbiteranian, Katulik Roma, lan Methodist. Ana uga sawatara wong kang nyebut awaké Greja Pantekosta lan Baptis lan uga Mormon. Greja Ratana kang basisé ana ing Niu Selan duwé akèh pengikut ing antarané wong Maori. Miturut kasil sensus, agama minoritas liya kalebu Hindhu, Buda, lan Islam.
Deleng uga
Wacan terusan
- Carolyn Bain Lonely Planet New Zealand (2006) 772 kaca
- David Bateman, ed. Bateman New Zealand Encyclopedia (2005)
- Michael King The Penguin History of New Zealand (2003)
- Keith Sinclair and Raewyn Dalziel. A History of New Zealand (2000)
- A. H. McLintock, ed. Encyclopedia of New Zealand 3 vol (1966)
- Philippa Mein Smith A Concise History of New Zealand (2005)
- New Zealand Official Yearbook (annual)
Pranala njaba
