Kutha Tegal iku kutha ing Jawa Tengah. Kutha iki naté dadi cikal-bakal ngadeke Korps Marinir kaya déné kang kacathet ing Pangkalan ALRI Tegal kanthi aran Corps Mariniers, tanggal 15 November 1945. Kutha Tegal winatesan karo Kabupatèn Brebes ing sisih kulon, Laut Jawa ing sisih lor, lan Kabupatèn Tegal ing sisih wétan. Wetone Kutha Tegal yaiku 12 April 1580.
Géografi
Kutha Tegal ana ing Bujur wétan 109° 08’-109° 10’ lan lintang kidul 06° 50’-06° 53’. Kutha tegal adohé 165 km sisih kulon saking Kutha Semarang, utawa 329 km ning sisih wetané Jakarta. Papan panggonané Tegal iku strategis, mergané ana ing dalané pasisir lor (pantura) Jawi Madya, sarta ana dalan simpang kang ngubungaké pantura karo kutha-kutha kang ana ing sisih kidul Tanah Jawa.
Kutha Tegal mangembang tumuju arah kidul ana ing tlatah Kabupatèn Tegal, yakui ing Kacamatan Dukuhturi, Talang, Adiwerna lan Slawi.
Setatsiyun Tegal ngubungaké kutha iki karo kutha-kutha liya ing Tanah Jawa. Sapèrangan sepur kang mandeg utawa mampir ning stasiun iki yakui: Senja Utama lan Fajar Utama (Jakarta-Semarang), Sembrani (Jakarta-Surabaya), Matarmaja (Jakarta-Malang), Bangunkarta (Jakarta-Jombang), Harina (Bandung-Semarang), lan Kaligung (Tegal-Semarang). Wektu taun 1960-an kutha Tegal naté nduwé papan anggegana Martoloyo kang disahke déning Présidhèn Sukarno.
Yèn diètung adohè antawis Jakarta lan Surabaya, Kutha Tegal kira-kira mapan ana ing tengah-tengahè. Mapan ana panggonan kang strategis lan dijurung kanthi infrastruktur kang becik ndadèake kutha Tegal minangka Kutha kanggo mampir. Babagan iku sansaya ndadèake uripè usaha ana ing bab pariwisata, mliginipun papan panginepan.
Papréntahan
Kutha Tegal ketata saking 4 kacamatan, 27 kalurahan lan désa. Kacamatan-Kacamatan ing kutha Tegal yaiku:
Wali kutha
Wali Kutha Tegal duwé wakil awit taun 2009, nalika Adi Winarso mangarsani, kaampingi déning Maufur.
Wisata
Sapérangan papan wisata ing Kutha Tegal kang bisa dinggo plesiran yaiku:
- Pasisir Alam Indah (PAI) salah sawijining papan wisata awujud pasisir kang wis ana yasan wujud wot, menara tingal, umbul plorotan, Monumen Bahari, lan panggung.
- Wisata banyu yaiku Gerbang Mas Bahari Waterpark (waterpark gedhé dhéwé ing Jawa Tengah)
- Wisata panganan antarané: pondhok dhahar dalan teri (pokanjari), lesehan ing sakupenge dalan A. Yani (amung wayah bengi), griya dhahar panganan sagara ing laladan PAI sarta griya dhahar kapal ngapung "Lor ing Margi" kang nembé dibuka sasi Agustus 2009, griya dhahar Miraos, griya dhahar Sari Laguna, lan liya-liyané.
- Hotèl bintang ing Kutha Tegal: Bahari Inn, Karlita International Hotèl, Plaza Hotèl, Alexander, Susana Baru, Paramesti, Riez Palace. Kajaba iku isih akèh hotèl kang kelase melati.
- Papan belanja: Pacific Mall, Dedy Jaya Plaza, Rita Super Mall.
- Wisata karemenan: pasar manuk(pets shop)
- Taman Poci: Taman cilik kang mapan ing ngarepe Stasiun KA Tegal lan ana uga papan kanggo dolanan bocah lan nganggo lampu warna-warna, cocog kanggo kulawarga kang péngin "jagongan" amarga akèh wong dodolan panganan kas Tegal + Teh Poci.
- Monumen Bahari sing dumunung ing Pasisir Alam Indah (PAI). Monumen wujudé kaya kapal perang iki isiné piranti perang tilas paringane TNI Angkatan Laut kang naté dienggo perang, kaya déné tank, montor mabur, torpedo, lan liya-liyané.
Basa
Basa Tegal pancèn rada padha karo basa Banyumas (ngapak) yaiku ing kosakatané. Nanging akèh masarakat Tegal kang ora gelem ingaran wong ngapak, sebab nyata-nyata dialèké béda. Masarakat sing migunakaké basa Tegal yaiku: sisih lor kabupatèn Tegal, kutha Tegal, sisih kulon kabupatèn Pemalang, lan sisih wétan kabupatèn Brebes. Konggrès basa Tegal sepisanan dianakaké déning pamaréntah kutha Tegal tanggal 4 April 2006, ing hotèl Bahari Inn. Adicara sing digagas déning Yono Daryono iku nekakaké tokoh-tokoh antarané SN Ratmana (cerpenis), Ki Enthus Susmono (dhalang Tegal), Eko Tunas (juru gurit Tegal), Dwi Ery Santoso (Puisi dan Sutradara).Tujuan digelar kongrès iku yaiku kanggo ngangkat status dhialèk Tegalan dadi basa Tegal.
Deleng uga
Pranala njaba
Jawa Tengah
