Suður-Ameríkukeppni karla í knattspyrnu 1917 var önnur Suður-Ameríkukeppnin í knattspyrnu, sem síðar fékk nafnið Copa América. Hún var haldin í Montevídeó í Úrúgvæ daga 30. september til 14. október. Fjórar þjóðir sendu landslið til keppni sem léku öll hvert við annað. Úrúgvæ varði titil sinn frá árinu áður og fengu ekki á sig eitt einasta mark.
Úrúgvæ varð meistari á fullu húsi stiga. Úrslitaleikurinn gegn Argentínu stóð þó tæpt þar sem úrúgvæska liðið missti markvörð sinn Cayetano Saporiti meiddan af velli þegar tuttugu mínútur voru til leiksloka. Varnarmaðurinn Manuel Varela þurfti að taka stöðu hans þar sem varamenn höfðu enn ekki verið kynntir til sögunnar.
