Forseti Brasilíu (portúgalska: Presidente do Brasil), opinberlega forseti Sambandslýðveldisins Brasilíu (portúgalska: Presidente da República Federativa do Brasil) eða einfaldlega forseti lýðveldisins, er þjóðhöfðingi og ríkisstjórnarleiðtogi Brasilíu og æðsti leiðtogi brasilíska hersins.
Stofnað var til forsetaræðis í Brasilíu árið 1889 eftir að lýðveldi var stofnað í kjölfar herforingjabyltingar gegn Pétri 2. Brasilíukeisara. Síðan þá hefur Brasilía haft sex stjórnarskrár og hefur farið í gegnum þrjú einræðistímabil og þrjú lýðræðistímabil. Á lýðræðistímabilum Brasilíu hefur alltaf verið við lýði kosningaskylda. Stjórnarskrá Brasilíu og viðaukar við hana mæla fyrir um skyldur, völd og kjörgengi forsetans, lengd kjörtímabilsins og fyrirkomulag kjörs þeirra.[2]
Luiz Inácio Lula da Silva er 39. og núverandi forseti landsins. Hann var svarinn í embætti þann 1. janúar 2023 eftir að hafa unnið sigur í forsetakosningum árið áður.[3] Lula var áður 35. forseti Brasilíu frá 2003 til 2011.
Tilvísanir
- ↑ [1], Ministério da Transparência, Fiscalização e Controle. Skoðað 28. október 2024.
- ↑ Stjórnarskrá Sambandslýðveldisins Brasilíu, 15. gr. og II. kafli.
- ↑ „Lula tekinn við í Brasilíu“. mbl.is. 1. janúar 2023. Sótt 1. janúar 2023.
|
|---|
Gamla lýðveldið
(1889–1930) | | |
|---|
Nýja ríkið
(1930–1945) | |
|---|
Annað lýðveldið
(1946–1964) | |
|---|
Herforingjastjórnin
(1964–1985) | |
|---|
Nýja lýðveldið
(1985–) | |
|---|
.jpg)
