La sangoza Duesma mondomilito esis l'evento qua markizis la yardeko ed anke la 20ma yarcento. Kande ol finis en 1945, Sovietia, Germania e Japonia subisabis enorma perdaji di vivi. Amerika ne esis agro por direta kombati e ne subisis bombardi quale kelka Europana landi. Tamen, la maxim multa landi del kontinento suportis la Westala Federiti.
Pos finar la milito, kelka chefi di Naziista Germania e kelka mediki de lua programo pri eutanaziojudiciesis en Nürnberg pro militala krimini e pro lua agadi dum holokausto e kondamnesis a mortopuniso. En Japonia kelka militala chefi anke judiciesis pro militala krimini e kondamnesis a mortopuniso.
Ultre atomobombo, altra inventi e teknologiala developi kreesis dum la yari 1940a, exemple elektronikala komputero ENIAC, jeto-motori por avioni, radaro, balistika lans-armo, mikroonda forni, edc.