Kentucky
Kentucky esas Usana stato. Lu havas kom vicini Westal Virginia este, Virginia sud-este, Tennessee sude, Missouri ed Illinois weste, ed Indiana ed Ohio norde. Segun la demografiala kontado di 2020, ol havis 4 505 836 habitanti. Lua tota surfaco esas 104 659 km². HistorioL'epoko di arivo dil unesma habitanti esas nekonocata. Segun restaji trovita en altra regioni, homi posible ja habitis la nuna Kentucky cirkume 10 mil yari ante l'arivo di Europani. Tamen, ne trovesis arkeologiala restaji exakte en la regiono por konfirmar to. L'unesma habitanti esis indijeni, nome l'etnii Cherokee e Shawnee.  Segun letro da James la 1ma di Anglia, la nuna teritorio di Kentucky atribuesis a kolonio Virginia. Tamen, granda parto di lua teritorio esis nekonocita kande l'unesma blanka koloniigisti arivis en la regiono cirkume 1750. Granda parto di la regiono kompresis de indijeni per traktati di Fort Stanwix (1768) e Sycamore Shoals (1775). L'unesma koloniigisti establisis su weste de Apalachi, veninta de Virginia, Nordal Karolina e Pensilvania. Dum la milito pri nedependo di Usa, eventis diversa batalii en la regiono. En 1776, la regiono divenis un ek la komtii di Virginia, tamen indijeni duris atakar Usana kolonieti kun armi furnisita da Angli. Pos ke George Rogers Clark konquestis tri Britaniana kolonieti nord-weste de la regiono, qui furnisis armi a le Iroquois, indijena ataki diminutis. Kentucky divenis Usana stato ye la 1ma di junio 1792. Geografio Rivero Ohio formacas la norda frontiero di Kentucky, kontre ke fluvio Mississippi formacas lua westa frontiero. Tamen, la bazo di l'oficala frontiero esas la flui de la du fluvii quale existis en 1792. Exemple, veheri qui uzas la choseo U.S. 41 de Henderson, pos trairar rivero Ohio esos en Kentucky dum cirkume 3,2 kilometri (2 milii). En 1811, eventis forta ter-tremo qua modifikis la fluo dil fluvio Mississippi, naturala frontiero inter Kentucky e la stato Missouri. La dominacanta klimato dil Kentucky esas humida subtropikala (Cfa, segun la klimatala klasifikuro da Köppen-Geiger), kun mezavalora temperaturi di 30,9°C dum la somero, e -4,9°C dum la vintro. EkonomioLa precipua ekonomial agadi dil stato esas la sektori di agrokultivo, manufakturo di automobili, produkto di fuelo, e hospitali. Dum la komenco di la koloniigo, la regiono ganis notoreso pro lua ecelanta kondicioni por agrokultivo, nome la kultivo di vitobero por produktar vino. En 2010, cirkume 24% del elektro konsumata en Usa dependis sive de uranio richigata che refinerio Paducah, sive de karbono extraktata de du jaceyi jacanta en la stato. Demografio
Referi
|
||||||||||||||||||||||||||||||||||||||||||||||||||||||||||||||
