Ti iNaturalist ket ti maysa a proyekto ti siensia ti umili ken online a sosial network dagiti naturalista, dagiti sientista nga umili, ken dagiti biologo a naipatakder iti konsepto a panagmapa ken pannakibingay kadagiti obserbasion iti biodibersidad iti amin a paset iti globo.[2] Mabalin a maserrekan ti iNaturalist babaen ti bukodna a website wenno dagiti bukodna a mobile app.[3][4] Dagiti nairehistro nga obserbasion iti iNaturalist ket mangited iti napateg a nawaya a datos kadagiti sientipiko a proyekto, dagiti ahensia ti konserbasion, dagiti dadduma a gunglo, ken iti publiko.[5][6][7] Natawtawaganen ti proyekto iti "maysa nga agtagikua iti pagalagadan para para kadagiti aplikasion iti mobile para iti masna pakasaritaan."[8]
Pakasaritaan
Nangrugi ti iNaturalist.org idi 2008 a kas maysa a kanungpalan a proyekto ti Master da Nate Agrin, Jessica Kline, ken Ken-ichi Ueda iti UC BerkeleyEskuela ti Pakaaamo.[1] Nagtultuloy a nagobra da Nate Agrin ken Ken-ichi Ueda iti sitio ken ni Sean McGregor, ti maysa a agparparang-ay iti web. Idi 2011, nangrugi iti kolaborasion ni Ueda ken ni Scott Loarie, ti maysa nga agsuksukisok a fellow iti Unibersidad ti Stanford ken lekturado iti UC Berkeley. Da Ueda ken Loarie ket isuda dagiti agdama nga agkaddua a direktor iti iNaturalist.org. Timmipon ti gunglo iti Akademia dagiti Siensia ti California idi Abril 24, 2014.[9] Idi 2014, nagrambak ti iNaturalist iti maysa a riwriwna nga obserbasion.[10] Idi 2017, ti iNaturalist ket nagbain a maysa a kumudduaan nga inisiatibo iti California Academy of Sciences ken ti National Geographic Society.[11]
Dagiti nagibasaran
^ abc"About". 5 Agosto 2013. Naala idi 7 Agosto 2013.
