Biochimia[1], interdum appellate chimia biologic, es le studio del processos chimic in organismos vivente, includente, ma non limitate a, materia vivente. Biochimia governa omne organismos e processos vital.
Per governar le fluxo informational per signalar biochimic e le fluxo de energia chimic per metabolismo, processos biochimic es un causa necessari del complexitate incredibile de vita.
Un parte grande de biochimia studia le structuras e functiones de componentes cellular tal como proteinas, carbohydratos, lipidos, acidos nucleic e altere biomoleculas, ben que crescentemente processos in vice de moleculas individual es le concentration principal.
Durante le previe 40 annos, biochimia ha devinite un tal successo in explanar le processos de vita que nunc quasi omne areas del scientias vital ab botanica a medicina es occupate in recerca biochimic. Hodie le foco principal de biochimia pur es in comprender como moleculas biologic causa le processos que occure intra cellulas vivente que ita connecte
grandemente al studio e comprender de tote organismos.
Inter le numero vaste de differente biomoleculas, multe es complexe e moleculas grande (appellate biopolymeros),
que es componite de similar subunitates repetente (appellate monomeros). Cata classe de biomolecula polymeric ha un collection differente de typos de subunitate.
[2]
Pro exemplo, un proteina es un polymer cuje subunitates es seligite ab un collection de 20 o plus amino-acidos.
Biochimia studia le proprietates chimic de importante moleculas biologic, tal como proteinas, e particularmente le chimia de reactionescatalysate per enzymas.
↑N.A. Campbell, et al. (2006). Biology: Exploring Life, Pearson Prentice Hall, ISBN 0-13-250882-6
Nota
Iste pagina contine material traducite ab Wikipedia in anglese. Le articulo original se trova a en:Biochemistry, e es usate secundo le mandatos del licentia de Wikipedia.
