Barcelona
Bandiera Scuto de armas
Nomine native	Barcelona
Classe	municipality of Catalonia[*], citate
Pais	Espania
Capital	Barcelona City[*]
Population	1 702 547
Area	101,3 km²
Situate in	Barcelonès[*], Barcelonès[*], Provincia Barcelona, Provincia Barcelona, Corporació Metropolitana de Barcelona[*]
Altitude	9 m
Coordinatas	41°22'57"N, 2°10'37"E
Linguas official	catalano, espaniol, Lingua occitan
Citates gemine	Boston, Cairo, Esfahan, Montpellier[*], Varna[*], Gaza City[*], Dublin, Monzón, São Paulo, Montreal, Colonia, Sancte Petroburgo, Buenos Aires, Athenas, Havana, Gdańsk, Alger, Perpinia, Rio de Janeiro, Shanghai, Sevilla, Sarajevo, Antwerpen, Busan[*], Tirana, Tel Aviv, Valparaíso, Santo Domingo, Barcellona Pozzo di Gotto, Medellín, Kobe[*], Montevideo, Nizhny Novgorod[*], Istanbul, Perpignan Méditerranée Métropole[*], Wenzhou[*], Dubai[*], Fez[*], Citate de Ho Chi Minh, Trujillo, Rosario[*], San Francisco, Monterrey[*], Kiev
Fuso horari	UTC+01:00, UTC+02:00[*]
Geonames ID	6356055
Sito web: https://www.barcelona.cat
Wikimedia Commons Category Barcelona

Barcelona es un citate catalan, le capital del provincia del mesme nomine e del communitate autonome de Catalonia in Espania. Illo es le centro industrial plus importante de Espania ja que esseva le prime citate in comenciar le revolution industrial. Illo ha un plano urbanistic moderne facte per le architecto Cerdá e reuni obras architectonic de interesse mundial.

Situate in le costa del mar Mediterraneo, inter le imbuccaturas del fluvios Llobregat e Besòs, limita le nord con le fluvio Bosòs e le concellos de Santa Coloma de Gramenet e San Adrià de Besòs; in le sud con le Zona Franca, Hospitalet de Llobregat e Esplugues de Llobregat; in le Est con le mar; e in le West con le Montcate i Reixac e Sant Cugat del Vallès.

Le territorio del citate es dividite in tres zonas ben differentiate: le serra del Collserola (con le cima del Tibidabo con un puncto plus alte de 512 metros), le deltas del fluvios Besòs e Llobregat que junctemente con le litoral del mar marca le limites del citate. Alcun partes que es proxime del serra es tamben populate e urbanisate: O Carmel (267 m.), Monterols (121 m.), O Putget (181 m.), A Rovira (261 m.) e A Perita (133 m.).

Desde que le cartagineses fundava le citate basso le nomine de Barcino e annos plus tarde arrivava le romanos quem faceva del citate un fortification militar. Hodie pote se vider ancora le restos del muro roman e in le Museu d'Historia de la Ciutat pote visitar se le subterraneo pro vider le restos archeologic del citate roman.

Seculos plus tarde illo esseva occupate per le visigothos, arrivate del centro de Europa, in le seculo VIII illo esseva invadite per le arabes e in 801 esseva prendite per le carolingos incorporante lo a Marca Hispanic. In le seculo XI establiva se le stato feudal de Catalunya deveniente in le seculos posterior un potentia mediterranee.

Ma in le seculo XIV entrava in un periodo de decadentia, le tensiones dynastic con Castilia, e le guerras Dels Segadors e de Succession faceva que il dispareva le institutiones proprie de Catalunya.

Le citate experimentava un melioramento in le seculo XVIII e gratias al industrialisation in le seculo XIX Barcelona deveniva un altere vice in un importante centro politic, cultural e economic. Illo esseva declarate in le banda republican in le Guerra Civil Espaniol e esseva prendite per le truppas de Franco in 1939.

A partir del annos 1970 illo volveva esser un centro cultural e urbanistic faciente un citate aperte e attractive. Alcun eventos de character international como le Jocos Olympic in 92 o le Foro del Culturas in 2004 lo converteva in un citate cosmopolita e sempre aperte al nove tendentias.

Barcelona esseva historicamente e es ancora un citate multo afin in le industria. Illo esseva le prime citate in Espania in reciper le Revolution Industrial e ancora que con alcun crises economic illo es totevia hodie le major centro industrial de Espania.

Le porto de Barcelona se converteva in le passate annos in un del plus importante del Mediterraneo in tonnellage de mercantias e containers. Illo es tamben le prime porto mediterranee in numero de crucieras que face scala in le citate. In 2004 illo esseva connectite per alte velocitate ferroviari con Madrid, e in le proxime annos illo se unira con le frontiera francese.

Centro cultural, economic e politic, Barcelona es un referentia non solo intra Espania ma tamben in le insimul del Union Europee.

Barcelona es dividite in dece districtos:

• Ciutat Vella: o Raval, le barrio Gótico, le Ribera e le Barceloneta.
• Le Eixample: Sant Antoni, Esquerda del Eixample, Dereita del Eixample, a Sagrate Familia, Fort Pienc.
• Sants - Montjuïc: Can Tunis, Montjuïc, Hostafrancs, Sants, Poble Sec, le Zona Franca, le Font de la Guatlla.
• Les Corts: les Corts, Pedralbes.
• Sarrià - Sant Gervasi: Sarrià, Galvany, Sant Gervasi de Cassoles, El Putget, le Bonanova, Vallvidrera.
• Gràcia: Vallcarca, la Salut, Gràcia, le Camp d'en Grassot.
• Horta-Guinardó: Horta, o Carmel, le Teixonera, le Guinardó, le Vall d'Hebron
• Nou Barris: le Trinitat Vella, le Trinitat Nova.
• Sant Andreu: le Congrés, Sant Andreu de Palomar.
• Sant Martí: Sant Martí de Provençals, le Clot, le Camp de l'Arpa, le Poble Nou, le Verneda, a Ciutadella, Nova Icària, Diagonal Mar

Le Barrio Antique de Barcelona ha alcun del obras del juventute del architecto Antonio Gaudí como le Palau Güell o le farolas del Plaza Real. Le edificio modernistic plus emblematic del Barrio Antique es, sin ulle dubita, le Palacio del Música Catalana obra del architecto Lluís Domènech i Montaner, construite in le anno 1908

Le montania de Montjuïc, hodie convertite completemente in un parco urban, displica se sur le porto presidite per le forte del mesme nomine (Castell de Montjuïc) e contine diverse jardines thematic e singular: Mossèn Costa i Llobera (cactus), Joan Maragall (bulbaceas), Joan Brossa (antique parco de attractiones), Laribal (circum le Fonte del Catto). Installationes sportive como le Stadio Olympic de Montjuïc esseva le centro del Jocos olympic de Barcelona in 1992, depois accompaniate con le Stadio Lluís Companys, tamben illac con le Palacio de Sant Jordi e le Piscinas Bernat Picornell.

Tamben conta con importantes equipamentos cultural: Museo National de Arte de Catalonia, Fundation Joan Miró, CaixaFórum, Museo Militar, e le Citate del Theatro (ja al limite con le quartiero Poble Sec).

Le parco del Citadella esseva facte in le anno 1888 e celebrava le Exposition Universal de 1888. De ille epocha conservava se le Arco de Triumpho de Barcelona (antique entrata al parte ferial del citate) e actualmente le Museo de Zoologia, ubi habeva le café-restaurante.

Construite con motivo del Jocos Olympic de 1992, converteva se in un spatio ludic con restaurantes, bars de moda e discothecas.

• Hotel Arts
• Torre Mapfre
• Casino de Barcelona
• Maremàgnum

Le Eixample es le districto del citate ubi se trova le major parte del edificios de stylo modernistic. Non es estranie trovar, al promenar se per su stratas, un faciada, un commercio o un vestibulo con surprendente ornamentos floral, ferro forgiate, sculpturas o farolas.

Le Sacrate Familia, obra non finite de Antoni Gaudí, situa se in le Eixample.

In le promenada de Gràcia trova se obras del tres principal architectos catalan:

• Casa Ametller de Josep Puig i Cadafalch.
• Casa Batlló de Antoni Gaudí
• Casa Lleó Morera de Lluís Domènech i Montaner.
• E ancora le plus cognoscite, Casa Milá de Antoni Gaudí, nominate popularmente "A Pedrera" (Le sito de petras).

Le Parco Güell esseva commandate per le Conde Güel a Antoni Gaudí. In iste parco (declarate Patrimonio Mundial del Humanitate in le anno 1984) le natura e le architectura se harmonisa e se complementa.