Learn to Let Go

«Learn to Let Go»
Կեշայի սինգլը
«Rainbow» ալբոմից
Թողարկված	Հուլիսի 27, 2017
Ֆորմատ	Թվային ներբեռնում
Ժանր	Փոփ; Քանթրի
Երգահան	Կեշա Սեբերտ; Փեբ Ֆեբերտ; Ստյուարդ Կրիչտոն;
Տևողություն	3:38
Լեյբլ	RCA; Kemosabe;
Պրոդյուսեր	Ռիքի Ռիդ; Ստյուարդ Կրիչտոն;
Կեշայի սինգլների ժամանակագրություն

Learn to Let Go, ամերիկացի երգչուհի Կեշայի ձայնագրած երգն է։ Վերցված է նրա երրորդ ստուդիական ալբոմից՝ Rainbow–ից (2017)։ Երգը թողարկվեց որպես ալբոմի երկրորդ գովազդային սինգլ։

Կոմպոզիցիա

Կեշան «Learn to Let Go»–ն գրելիս ոգեշնչված է եղել իր ընկերներից մեկով, ով «անցել էր պատկերացրած ամենավատ մանկության միջով»։ Երգը նաև վերաբերում է «Rainbow» ալբոմը գրելիս Կեշայի կրած դժվարություններին^[1]։ Երգի մասին ավելի մանրամասն Huffington Post ամսագրին Կեշան ասել է․

«[…] Զարգանալու միակ ճանապարհն անցյալն անցյալ թողնելն է և բաց սրտով առաջ շարժվելը։ Եթե թողնես քո սատանաներին քեզ որսալ, նրանք քեզ միշտ կվորսեն։ Սովորի՛ր քո սխալներից, բայց մի՛ ապրիր նրանցով, և եթե կարծում ես, որ ինչ–որ մեկը քո հանդեպ սխալ է վարվել, ապա թո՛ղ դա լինի նրանց խնդիրը՝ ոչ թե քոնը։ Այնքանով, ինչքանով մեր նախկինը կերտում է մեզ, մենք չենք կարող թույլ տալ, որ այն մեզ սահմանի կամ հետ պահի։ Եվ հատկապես եթե անցել ես ծանր բաների միջով, և մենք բոլորս անցել ենք, ապա չպետք է պահել զայրույթը, քանզի այն թույնի պես մի բան է։ Պետք է սովորել թողնել այդ վատ զգացմունքներն ու առաջ շարժվել»^[2]^[3]։

Կեշան բացատրում է երգի վերնագիրը որպես նրա կյանքի վերջին տարիների մանտրանը^[4]։

Տեսահոլովակ

«Learn to Let Go» երգի տեսահոլովակը թողարկվեց 2017 թվականի հուլիսի 27–ին։ Հոլովակում Կեշան կիսվում է իր մանուկ հասակի տնային վիդեոներով՝ բնության գրկում վազելիս, երգելիս և խենթի պես պարելիս^[2]։