A Åbo Akademi é unha institución universitaria con sede en Turku, Finlandia. Foi fundada en 1918 e é a Universidade máis antiga da cidade. A Åbo Akademi é a única Universidade exclusivamente en lingua sueca que existe en Finlandia (Åbo é o topónimo sueco da cidade de Turku), aínda que a súa actividade non se limita á cidade de Turku, senón que conta con sedes en Vaasa, Jakobstad, Helsinqui e en Åland. A Åbo Akademi foi institución privada ata 1981, cando pasou a ser unha institución pública.
A Åbo Akademi non debe confundirse coa Kungliga Akademin i Åbo, que foi fundada en 1640 en Turku pero trasladada a Helsinqui tralo lume que arrasou boa parte da cidade de Turku en 1827 e que actualmente é coñecida como Helsingin yliopisto.
Véxase tamén
Ligazóns externas
Sitio web oficial (en sueco) (en finés) (en inglés)
