Youn Yuh-jung

(2016)
Nome orixinal	(ko) 윤여정
Biografía
Nacemento	19 de xuño de 1947 (77 anos) Kaesong, Corea do Norte (pt)
Educación	Universidade Hanyang (pt)
Actividade
Ocupación	actriz, actriz de cinema
Período de actividade	1966 -
Familia
Cónxuxe	Jo Young-nam (1975–1987)
Premios
(2021)  Time 100 (2021)  premiadas e indicadas pelo Screen Actors Guild para melhor atriz secundária no cinema (pt) , premiado polo traballo Minari. Historia da miña familia (2021)  Óscar á mellor actriz secundaria, premiado polo traballo Minari. Historia da miña familia (2021)  BAFTA a mellor actriz secundaria, premiado polo traballo Minari. Historia da miña familia (1971)  Sitges Film Festival Best Actress award (en) , premiado polo traballo Woman of Fire (pt)  Grand Bell Awards  Blue Dragon Film Award for Best Actress (en)

Este artigo amosa escritos coreanos. Sen o soporte axeitado, o texto pode mostrar símbolos sen sentido, coma caixas, marcas e outros.

Youn Yuh-jung (en coreano: 윤여정), nada en Kaesong o 19 de xuño de 1947, é unha actriz coreana, cunha carreira no cinema e na televisión que se estende máis de cinco décadas. Protagonizou numerosas series de televisión e filmes surcoreanos e recibiu recoñecemento internacional polo seu papel en Minari. Historia da miña familia (2020). A súa aclamada interpretación de Soon-ja nese filme converteuna na primeira actriz coreana que gañou un Screen Actors Guild Award, un BAFTA e un Óscar, ademais de lograr outras candidaturas.^{[1][2][3][4][5]}

A finais da década de 1960, Youn era unha actriz en alza en Corea do Sur e gañou varios premios por Hwanyeo (1971). Retirouse dos focos varios anos antes de volver á actuación a finais dos anos oitenta.

Youn Yuh-jung naceu en 1947 en Kaesong (Gyeonggi) e creceu en Seúl. Ten dúas irmás, e o seu pai faleceu cando ela era nova. Asistiu ao instituto Ewha para rapazas^[6] e entrou na Universidade de Hanyang para estudar lingua e literatura coreana, cando pasou as audicións de TBC en 1966.^[7]

Abandonou a facultade e debutou como actriz no drama televisivo Mister Gom en 1967.^[8] Youn chegou ao estrelato en 1971 con dúas interpretacións de femmes fatales. O seu primeiro filme, Hwanyeo, de Kim Ki-young, foi un éxito crítico e comercial,^[9][10] polo que gañou o premio á mellor actriz no Festival de Cinema de Sitges.^[11] A este seguiuno o dráma histórico da MBC Jang Hui-bin en que interpretou a famosa concubina real do título.

No cumio da súa carreira, Youn retirouse tras casar co cantante Jo Young-nam en 1974, e entón emigrou aos Estados Unidos. En 1984, volveu a Corea para recuperar a súa carreira. Ela e Jo divorciáronse en 1987 e tivo que loitar para volver á interpretación debido ao estigma do divorcio en Corea do Sur.^[12][13]

Facer unha volta tras unha longa parada foi un feito pouco habitual para unha actriz coreana de mediana idade.^[14] Aínda que a maioría das actrices da súa idade interpretaban o clixé de nais sacrificadas de ajumma, o rango de Youn levou a ser contratada para papeis máis complexos e independentes. En Baramnan Kajok (2003), logrou un éxito de crítica pola súa muller despreocupada que descoidaba o seu marido mentres morría de cáncer e gozaba de relacións extramaritais. A súa franca e confiada personalidade manifestouse no mockumentary de E J-yong Yeobaeudeul (2009).^{[15][16][17][18]}

En 2020, tivo un papel secundario como Soon-ja, avoa dunha familia de coreanos estadounidenses na Arkansas rural no filme estadounidense Minari. Historia da miña familia, pola que recibiu o recoñecemento da crítica, que lle outorgou máis de corenta premios das asociacións de críticas, incluídos o National Board of Review^[19] e Los Angeles Film Critics Association.^[20] Youn converteuse na primeira actriz coreana que gañou o Óscar,^[21] o Screen Actors Guild Award^[22] e o BAFTA á mellor actriz secundaria.^[23]

Youn ten dous fillos, ambos coreanos estadounidenses.^[24]