Wilhelm Heinrich Kramer

Biografía
Nacemento	1724 Dresde, Electorado de Saxonia (Sacro Imperio Romano Xermánico)
Morte	13 de outubro de 1765 Bruck an der Mur (actual Baixa Austria)
País de nacionalidade	alemá
Formación profesional	Medicina
Actividade
Ocupación	Botánico, entomólogo, médico, naturalista, ornitólogo
Lingua	latín
Obra
Abreviación dun autor en botánica	Kramer

Wilhem Heinrich Kramer, nado en 1724 en Dresde, Electorado de Saxonia (Sacro Imperio Romano Xermánico), e finado o 13 de outubro de 1765 en Bruck an der Mur (actual Baixa Austria), foi un médico e naturalista alemán.^[1]

Kramer estudou Medicina en Viena, e practicou como médico en Bruck, cerca da capital, polo menos durante catorce anos.

Publicou en 1756 a obra Elenchus Vegetabilium and Animalium per Austriam inferiorem Observatorum, unha flora e fauna da Baixa Austria, notábel sobre todo porque foi un dos primeiros traballos nos que se adoptou a nomenclatura binominal de Linneo. Nese libro Kramer creou o termo pratincola para a ave Glareola pratincola, e que foi adaptado ao inglés na seguinte obra de Thomas Pennant en 1773.

Fauna

• Giovanni Antonio Scopoli (1723-1788) dedicoulle Psittacus krameri (hoxe Psittacula krameri) en 1769.

Flora

• (Adiantaceae) Cheilanthes krameri Franch. & Sav.^[2]
• (Liliaceae) Lilium krameri Hort. Teutschel ex Hook.f.^[3]

• A abreviatura Kramer emprégase para indicar a Wilhem Heinrich Kramer como autoridade na descrición e clasificación científica en botánica.^[4]
• A abreviatura Kramer emprégase para recoñecer a Wilhem Heinrich Kramer como autoridade na descrición e taxonomía en zooloxía.

Wikispecies posúe unha páxina sobre:  Wilhelm Heinrich Kramer