A Volta a Suíza(Tour de Suisse) é unha carreira ciclista por tiradas que se disputa cada ano polo mes de xuño en terras suízas. A proba componse de 9 tiradas, e está considerada a cuarta carreira por tiradas mais prestixiosa do mundo despois das 3 grandes voltas (Tour de Francia, Giro de Italia e Vuelta a España).
A Volta a Suíza foi creada en 1933, e forma parte do calendario internacional do UCI WorldTour. Pola súa posición dentro do calendario, esta proba e mailo Dauphiné Liberé son aproveitados polos ciclistas máis importantes do pelotón para prepararen a súa participación no Tour de Francia, que comeza cada ano a primeiros de xullo. Nos últimos anos o gañador da Volta a Suíza ten gañado tamén o Tour de Francia, como ocorreu por exemplo con Lance Armstrong.
A diferenza do Tour de Romandía, a Volta a Suíza adoita percorrer o centro e o leste de Suíza, de xeito que o Tour de Romandía percorre os territorios francófonos, e a Volta a Suíza o resto do país.
A carreira consiste en 9 tiradas. Sempre ten polo menos, unha contra o reloxo duns 25 ou 35 quilómetros e outras 2 de montaña. Non hai ningún día de descanso.
.svg){kind=small}
