Vicente Quiroga Rodríguez

Para outras páxinas con títulos homónimos véxase: Vicente Quiroga.
Modelo:BiografíaVicente Quiroga Rodríguez
Biografía
Nacemento1940 Editar o valor en Wikidata (84/85 anos)
Quiroga, España Editar o valor en Wikidata
Alcalde de Lugo
1983 – 1991
← Xosé Novo Freire – Tomás Notario Vacas → Editar o valor en Wikidata
Actividade
Ocupaciónpolítico, aparellador Editar o valor en Wikidata
BUSC: quiroga-vicente-1940

Vicente Quiroga Rodríguez, nado en Quiroga en 1940,[1] é un político galego de tendencia conservadora e aparellador de profesión.

Traxectoria

Foi alcalde de Lugo durante dous mandatos, entre 1983 e 1991, primeiramente fora elixido nas filas da Coalición Popular e a continuación, tras problemas coa súa formación, pasou a formar parte de Coalición Progresista Galega. Quiroga compartiu corporacións municipais, entre outros concelleiros, con Alfredo Mosteirín, Aniceto Codesal, Julio Ulloa Vence, Francisco Cacharro ou Manuel Varela Flores.[2]

Na súa etapa de goberno municipal construíronse os dous aparcadoiros subterráneos do centro histórico e o da Praza da Constitución en Lugo.

No ano 1996 foi condenado por falsidade en documento mercantil. Tras diversos recursos esta condena converteuse en firme e mesmo o Tribunal Constitucional confirmouna.[3]

Notas

  1. ↑ «El Campo Castelo es mi lugar de residencia y de ocio», entrevista en La Voz de Galicia, Lugo, 6-1-2019, p. 4.
  2. ↑ O ex alcalde de Lugo Vicente Quiroga foi hospitalizado nun centro coruñés El Progreso, 17 de febreiro de 2011.
  3. ↑ BOE núm. 14, 16 de xaneiro de 2001 (en castelán).

Véxase tamén

Outros artigos


Predecesor:
Xosé Novo Freire 		 
Alcalde de Lugo 
1983 - 1991 		Sucesor:
Tomás Notario Vacas