PROFILPELAJAR.COM

O Trofeo MacCrimmon de Gaita é unha competición musical celebrada dende 1986 no marco do Festival Intercéltico de Lorient entre gaiteiros galegos e asturianos.

Os competidores deben tocar música tradicional galega, asturiana e bretoa e un xurado formado por membros das tres rexións elixe un gañador. O gaiteiro máis laureado é o galego Edelmiro Fernández, con catro vitorias, seguido do asturiano José Manuel Tejedor, con tres.

Historia

En 1980 comezou a celebrarse o Trofeo Macallan de Gaita das Highlands, para premiar cada ano ao mellor intérprete de dito instrumento. Seis anos despois incluíuse unha sección da competición para gaiteiros galegos e asturianos, co nome de Trofeo Macallan de Gaita, resultando o asturiano Xuacu Amieva como primeiro gañador, por diante do galego Bieito Romero. En 1987 incluíuse a obrigación de tocar tanto música galego como asturiana. A maioría de participantes daquela segunda edición non foran avisados desa norma e foron descualificados por non tocar músicas de ambas as rexións, quedando só dous competidores: Vicente Prado "o Pravianu", que foi o gañador, e Carlos Núñez, con só 16 anos, que quedou segundo, posto que repetiría ao ano seguinte.^[1]^[2] Carlos Núñez foi o primeiro gañador galego, saíndo vencedor na edición de 1989. Posteriormente incluíuse a obriga de tocar tamén algunha composición bretoa.

Dende 2005, ante unha lei que prohibiu o patrocinio de eventos con bebidas alcohólicas, retirouse do seu nome a marca de bebidas Macallan e mudouse por MacCrimmon, en honra a unha famosa familia escocesa cuxos membros se dedicaban ao estudo e transcrición da música tradicional entre finais do século XV e a segunda metade do XVIII. O Trofeo MacCrimon de Gaita está considerado como o maior premio que pode gañar un gaiteiro, dándolle un gran prestixio a todos os que o posúen. Os participantes son elixidos a través de concursos en Asturias e Galicia, co Memorial Remis Ovalle e o Concurso - Selección para o Trofeo MacCrimmon, respectivamente.

Mecánica

Compiten oito gaiteiros, catro galegos e catro asturianos, aínda que entre 2005 e 2008 foron nove, ao participar tamén unha representante bretoa, Marie Le Cam.^[3]^[4]^[5]^[6] Cada un dos participantes debe tocar un conxunto de pezas, que inclúa polo menos unha peza galega, outra asturiana e outra bretoa. Un xurado formado por seis membros (dous galegos, dous asturianos e dous bretóns) elixe ao gañador, dando cada membro a súa propia puntuación.^[7]^[8] En caso de empate prémiase ao competidor de menos idade. Isto sucedeu tres veces: en 1995,^[9] 2018^[10] e 2019.^[11]

Gañadores

Ano	Gañador	Subcampión	Terceiro
1986	Xuacu Amieva	Bieito Romero
1987	Vicente Prado	Carlos Núñez
1988	Berto Varillas	Carlos Núñez
1989	Carlos Núñez	José Manuel Tejedor	Iván Area
1990	José Manuel Tejedor
1991	Iván Costa
1992	José Ángel Hevia
1993	José Manuel Tejedor
1994	Javier Tejedor	Iván Area
1995^[12]	Jorge Fernández Areces	Anxo Lorenzo	Edelmiro Fernández
1996	Edelmiro Fernández
1997	José Manuel Tejedor	Vanessa Pérez	Óscar Fernández Carlos Lorenzo
1998	Edelmiro Fernández	Óscar Fernández	Vanessa Pérez
1999	Óscar Fernández	Diego Pangua	Ricardo Soberado
2000	Diego Pangua	Óscar Ibáñez	Iván Gómez
2001	Edelmiro Fernández	Óscar Ibáñez	Rubén Alba
2002	Rubén Alba	Daniel Bellón	Pablo Seoane
2003	Daniel Bellón	Jairo García	Jorge Suárez
2004	Ángel Domingo	Brais Paz	Iñaki Sánchez
2005	Iñaki Sánchez	Rubén Alba	Agustín Sánchez
2006	Rubén Alba	Jorge Suárez	Iñaki Sánchez
2007	Edelmiro Fernández	Rubén Alba	Alberto Coya
2008	Pablo Devigo	Alberto Coya	Pablo Carrera
2009	Alberto Coya	Pablo Carrera
2010	Andrea Joglar	Rubén Alba	Rodrigo Joglar
2011	Pedro Álvarez Fariña	Jesús Sánchez	Raúl Lacilla
2012	Raúl Lacilla	Javier Menéndez	Jesús Fernández
2013	Jesús Fernández	Xesús Rodríguez	Álvaro Álvarez
2014	Álvaro Álvarez	Xesús Rodríguez	Jesús Fernández
2015	Álvaro Álvarez	Javier Vázquez	Xesús Rodríguez
2016	Jesús Fernández	Xesús Rodríguez	Fernando Vázquez
2017	Jaime Álvarez	Fernando Vázquez	Rafael Carracedo
2018^[13]	Javier Menéndez	Raquel Vilas	Fernando Vázquez
2019^[14]	María López	Fernando Vázquez	Xesús Rodríguez

Mencións honoríficas

Concedéronse diferentes mencións honoríficas na historia do certame: No ano 2000, o asturiano Diego Pangua recibiu a mención honorífica por ser o gañador máis novo da historia do certame (16 anos). En 2010, a tamén asturiana Andrea Joglar recibiu a mención honorífica do concurso por ser a primeira muller en gañar o premio. En 2012, Javier Menéndez recibiu a mención honorífica do xurado bretón de música pola súa excelente interpretación da música bretoa. En 2019, María López recibiu a mención honorífica por ser a gañadora máis nova da historia do certame (14 anos) ademais de ser a primeira muller galega en gañar o premio.