|
Tomasz Kamusella
Tomasz Kamusella, nado en 1967 en Koźle, é un historiador e politicólogo polaco, especialista nas relacións entre política lingüística, nacionalismo e etnicidade.
Traxectoria
Graduouse en filoloxía inglesa na Universidade de Silesia, e realizou estudos de posgrao en literatura inglesa na Universidade de Potchefstroom (Suráfrica) e de estudos europeos no campus de Praga da Universidade Centroeuropea. Doutorouse en ciencias políticas no Instituto Occidental de Poznań, Polonia e logrou a habilitación en estudos culturais na Universidade de Ciencias Sociais e Humanidades de Varsovia.
Actividade académica
Entre 1995 e 2007 deu clases na Universidade de Opole en Polonia, e de 2002 a 2006 realizou investigación posdoutoral no Instituto Universitario Europeo de Florencia, no Centro John W. Kluge da Biblioteca do Congreso en Washington, D. C., no Instituto de Ciencias Humanas de Viena[1] e no Herder-Institut de Marburg. Entre 2007-10 foi profesor visitante e ensinou historia europea centroriental e polaca e mais política no Trinity College de Dublín[2] en 2010-11 na Universidade de Economía de Cracovia[3] e en 2011 traballou no Centro de Investigación Eslavo da Universidade de Hokkaido en Sapporo.[4]. Dende 2011 imparte clases na Escola de Historia da Universidade de St Andrews, St Andrews en Fife (Escocia)[5]
The Politics of Language and Nationalism in Modern Central Europe (2008)— a principal síntese de Kamusella sobre historias, nacionalismos e linguas na Europa central e do leste— recibiu eloxios nas principais revistas académicas[6][7][8][9], e mais tamén de Timothy Snyder de Yale e Peter Burke de Cambridge.[10]
Actividade na administración
En 1996 converteuse no plenipotenciario de integración europea de Opole, e de 1999 a 2002 foi asesor de asuntos internacionais da autoridade rexional de Opole. En colaboración coa Universidade de Opole, entre 1997 e 2001 logrou do Consello de Europa o finaciamento para a creación do Centro de Documentación Europeo en Opole para a difusión do acervo comunitario entre a poboación rexional e que conformou a base para a fundación do departamento de dereito da Universidade de Opole. En 1998, no marco do Programa de Visitantes da Unión Europa, acudiu á Comunidade Autónoma de Galicia o que permitiu a sinatura o ano seguinte dun acordo de cooperación entre Galicia e a rexión de Opole.[11]
Obra
- Schlonzsko: Horní Slezsko, Oberschlesien, Górny Śląsk. Esej o regionie i jego mieszkańcach. Elbląska Oficyna Wydawnicza, Elbing 2001, ISBN 83-913452-2-X.
- Polsko-angielsko-niemiecki glosariusz regionalny Województwa Opolskiego. Oficyna Piastowska, Opole, 2004, ISBN 83-89357-18-6.
- Schlonzska mowa. Język, Górny Śląsk i nacjonalizm. Vol. I, NOS, Zabrze, 2005, ISBN 83-919589-2-2.
- Schlonzska mowa. Język, Górny Śląsk i nacjonalizm. Vol, II, NOS, Zabrze, 2006, ISBN 83-919589-2-2.
- W bżuhu vieloryba. Wydawnictwo A Marszałek, Toruń, 2006, ISBN 83-7441-383-2.
- Schlonzsko: Horní Slezsko, Oberschlesien, Górny Śląsk. Esej o regionie i jego mieszkańcach. 2 vol. NOS, Zabrze, 2006, ISBN 83-60540-51-9.
- Uwag kilka o dyskryminacji Ślązaków i Niemców górnośląskich w postkomunistycznej Polsce NOS, Zabrze, 2007, ISBN 978-83-60540-68-8.
- Silesia and Central European Nationalisms: The Emergence of National and Ethnic Groups in Prussian Silesia and Austrian Silesia, 1848–1918. 2007. West Lafayette, IN: Purdue University Press, 386 pp. ISBN 978-1-55753-371-5.
- O Schlonzsku i nacjonalizmie. NOS, Zabrze, 2008, ISBN 978-83-60540-60-2.
- Maski i twarze nacjonalizmu. NOS, Zabrze, 2008, ISBN 978-83-60540-84-8.
- The Politics of Language and Nationalism in Modern Central Europe. 2009. Basingstoke, UK: Palgrave Macmillan, 1168 pp. ISBN 9780230583474.
- Ślōnsko godka. NOS, Zabrze, 2014, ISBN 978-83-60540-22-0.
- Warszawa wie lepiej Ślązaków nie ma. O dyskryminacji i języku śląskim. NOS, Zabrze, 2014, ISBN 978-83-60540-21-3.
- Creating Languages in Central Europe During the Last Millennium. 2015. Basingstoke: Palgrave Pivot, 168 pp.; ISBN 9781137507839.
- The Un-Polish Poland, 1989 and the Illusion of Regained Historical Continuity. 2017. Basingstoke: Palgrave Pivot, 162 pp.; ISBN 9783319600352.
- Ethnic Cleansing During the Cold War: The Forgotten 1989 Expulsion of Turks from Communist Bulgaria (Ser: Routledge Studies in Modern European History). 2018. Londres: Routledge, 328pp. ISBN 9781138480520.
Notas
|
|
